თემურ დიღმელაშვილის სადოქტორო დისერტაციის დაცვა

11 მარტს კავკასიის საერთაშორისო უნივერსიტეტის ნიკო ნიკოლაძის სახელობის საკონფერენციო დარბაზში გაიმართა პოლიტიკის მეცნიერების სადოქტორო პროგრამის დოქტორანტ თემურ დიღმელაშვილის სადისერტაციო ნაშრომის დაცვა თემაზე: „კიბერუსაფრთხოების სამხედრო-პოლიტიკური განზომილება“.
სამეცნიერო ხელმძღვანელი: ალიკა გუჩუა - პოლიტიკის მეცნიერების დოქტორი, CIU-ს ასოცირებული პროფესორი. 

რეცენზენტები: ვახტანგ მაისაია - პოლიტიკის მეცნიერების დოქტორი, CIU-ს პროფესორი; იავიჩი მაქსიმ - მათემატიკისა და კომპიუტერული მეცნიერების დოქტორი, კავკასიის უნივერსიტეტის პროფესორი.

ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, თემურ დიღმელაშვილს პოლიტიკის მეცნიერების დოქტორის აკადემიური წოდება მიენიჭა.