ნანა ვასაძის სადისერტაციო ნაშრომის დაცვა

13 თებერვალს კავკასიის საერთაშორისო უნივერსიტეტის მულტიმედია ცენტრის პანორამაში გაიმართა მასობრივი კომუნიკაციის სადოქტორო პროგრამის დოქტორანტ ნანა ვასაძის სადისერტაციო ნაშრომის დაცვა თემაზე: „დანაშაულის გაშუქების თავისებურებები თანამედროვე სატელევიზიო მედიაში (საქართველოს, ნორვეგიის და იტალიის შედარებითი ანალიზი) 2013-2023 წლები“.

სამეცნიერო ხელმძღვანელი: ხათუნა კაჭარავა - სოციალურ მეცნიერებათა დოქტორი, კავკასიის საერთაშორისო უნივერსიტეტის პროფესორი.

ოფიციალური რეცენზენტები: ზაზა ცოტნიაშვილი - სოციალურ მეცნიერებათა დოქტორი მედიის მიმართულებით, კავკასიის საერთაშორისო უნივერსიტეტის პროფესორი; ლაურა კუტუბიძე - ჟურნალისტიკის დოქტორი, საქართველოს შოთა რუსთაველის თეატრისა და კინოს სახელმწიფო უნივერსიტეტის პროფესორი.
ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, ნანა ვასაძეს მასობრივი კომუნიკაციის დოქტორის აკადემიური ხარისხი მიენიჭა.