ნოემბერი 22, 2018
04:48 PMგასვლით-პრაქტიკული ხასიათის სემინარი ტურიზმის საბაკალავრო-საგანმანათლებლო პროგრამის სტუდენტებისათვის
ბიზნესის ფაკულტეტის ტურიზმის საბაკალავრო-საგანმანათლებლო პროგრამის ხელმძღვანელმა ლალი მიქელაძემ, პირველკურსელთათვის სასწავლო დისციპლინის ფარგლებში - „ტურიზმის საფუძვლები“ ლექცია -სემინარი ფორაქიშვილების დარბაზში ჩაატარა.
შეგახსენებთ, რომ ეს ლოკაცია თბილისის ერთ-ერთ ღირშესანიშნაობას წარმოადგენს. ავლაბრის უბანში, ძველ ქართულ- ხალხურ საცხოვრებელ სახლში დღემდეა შემორჩენილი უნიკალური ე.წ დარბაზი, რომელიც ფორაქიშვილების ოჯახს ეკუთვნოდა.
გასვლით-პრაქტიკული ხასიათის სემინარის - „ქალაქი სადაც კვლავ დაბრუნდებით“ დასასრულს სტუდენტებმა მუსიკალური ნომრებიც შეასრულეს.
პროგრამის ხელმძღვანელმა - ლალი მიქელაძემ სტუდენტებისათვის , ძველ თბილისში პროფესიული ტურიც ჩაატარა, რომლის დროსაც ისტორიულ-კულტურული ძეგლები მეტეხი, სიონი, ფერისცვალების მონასტერი, დარეჯან დედოფლის სასახლე, თბილისის ჯუმა მეჩეთი, ანჩისხატის ეკლესია და ტურისტული ღირსშესანიშნაობანი: აბანოთუბანი, ლეღვთახევი, სუვენირების „გვირაბი“ და ახლადგახსნილი მუზეუმი აბანოთუბანში - მოინახულეს. სტუდენტებს, საინფორმაციო ტური ჩაუტარდათ სასტუმრო „ მეფე გორგასალშიც“.
სხვა სიახლეები
- დეკემბერი 12, 202501:00 PM
კონფერენცია: „ბიბლოთეკა 4.0: ცოდნის საცავები AI ეპოქაში“
9 დეკემბერს, ქალაქ თბილისში, სასტუმრო რუმსში, ჩატარდა ყოველწლიური კონფერენცია: „ბიბლოთეკა 4.0: ცოდნის საცავები AI ეპოქაში“, რომელიც უმაღლესი და პროფესიული საგანმანათლებლო დაწესებულებებისა და კვლევითი ცენტრებისთვის იყო განკუთვნილი. - დეკემბერი 12, 202512:45 PM
ლექცია თემაზე: „მეწარმეობა - ბიზნესის პერსპექტივა“
12 დეკემბერს, კავკასიის საერთაშორისო უნივერსიტეტის (CIU) მევენახეობა-მეღვინეობის კორპუსში, გაიმართა ლექცია თემაზე: „მეწარმეობა-ბიზნესის პერსპექტივა“, რომელსაც „ეფეს საქართველოს“ კორპორაციულ საქმეთა დირექტორი ნიკოლოზ ხუნძაკიშვილი უძღვებოდა. - დეკემბერი 12, 202511:30 AM
საერთაშორისო სამეცნიერო კონფერენცია: „აგროეკოლოგიური და კლიმატგონივრული რეპორტინგი და კომუნიკაცია“
კავკასიის საერთაშორისო უნივერსიტეტმა (CIU) და ჟურნალისტიკის რესურსცენტრმა (JRC) შვეიცარიის განვითარებისა და თანამშრომლობის სააგენტოს მხარდაჭერით, 10-11 დეკემბერს, უმასპინძლეს საერთაშორისო სამეცნიერო კონფერენციას „აგროეკოლოგიური და კლიმატგონივრული რეპორტინგი და კომუნიკაცია“. აღნიშნული ღონისძიება წარმოადგენს სამხრეთ კავკასიაში პირველ აკადემიურ და ანალიტიკურ პლატფორმას, რომელიც მიეძღვნა კლიმატგონივრული ჟურნალისტიკის, აგროკომუნიკაციისა და რეგიონული მედია-უნივერსიტეტების თანამშრომლობის გაძლიერებას.