სტომატოლოგიის მიმართულების პროფესორები საერთაშორისო კონგრესზე პრაღაში

4-7 სექტემბერს ჩეხეთის დედაქალაქ პრაღაში ჩატარდა მსოფლიოს დენტალური ფედერაციის (FDI) მიერ ორგანიზებული ერთ-ერთ უმნიშვნელოვანესი საერთაშორისო დენტალურ კონგრესი -   FDI World Dental Congress, სადაც კავკასიის საერთაშორისო უნივერსიტეტის მედიცინის ფაკულტეტის პროფესორმა და სტომატოლოგიის პროგრამის ხელმძღვანელმა ლელა წიტაიშვილმა და ასისტენტ-პროფესორმა ლანა გედენიძემ საკუთარი მოხსენება -  „ფსიქოსოციალური სტრესი  და პირის ღრუს ჯანმრთელობა ინსტიტუციონალიზებულ ქართველ ბავშვებში“ - წარუდგინეს საერთაშორისო სამეცნიერო და პროფესიულ საზოგადოებას.

FDI-ის მსოფლიო კონგრესი აერთიანებს მსოფლიოს წამყვან სტომატოლოგებს, მკვლევრებსა და დარგის ექსპერტებს და წარმოადგენს ცოდნის, გამოცდილებისა და თანამედროვე სამეცნიერო მიღწევების გაზიარების მნიშვნელოვან პლატფორმას.