CIU-ს სტუდენტები გაცვლითი პროგრამით სამხრეთ კორეაში

კავკასიის საერთაშორისო უნივერსიტეტის ინგლისური ენისა და ლიტერატურის საბაკალავრო პროგრამის მეორე კურსის სტუდენტები - მაგდა ეკალაძე და ანასტასია კონცელიძე გაცვლითი პროგრამის ფარგლებში სწავლას სამხრეთ კორეაში, ჩონამის ეროვნულ უნივერსიტეტში აგრძელებენ.

გაცვლითი პროგრამა სტუდენტებს უნიკალურ შესაძლებლობას აძლევს მიიღონ საერთაშორისო აკადემიური გამოცდილება, გაიღრმავონ ცოდნა ინგლისური ენისა და ლიტერატურის მიმართულებით და განივითარონ პროფესიული უნარები მრავალფეროვან საგანმანათლებლო გარემოში.

პროგრამის ფარგლებში სტუდენტები ეუფლებიან თანამედროვე სასწავლო კურსებს, რომლებიც ორიენტირებულია ცოდნის გაღრმავებაზე. ამასთან, ისინი აქტიურად არიან ჩართული უნივერსიტეტის აკადემიურ და კულტურულ ცხოვრებაში, რაც მათ გამოცდილებას კიდევ უფრო მრავალმხრივსა და საინტერესო ხდის.

კავკასიის საერთაშორისო უნივერსიტეტი სტუდენტებს წარმატებულ და ნაყოფიერ სასწავლო სემესტრს უსურვებს.