CIU-ს მასტერკლასები პედაგოგებისთვის

კავკასიის საერთაშორისო უნივერსიტეტის რექტორის მრჩეველმა, ასოცირებულმა პროფესორმა გიორგი ფარეშიშვილმა და CIU-ს სტრატეგიული კომუნიკაციების დეპარტამენტის ხელმძღვანელმა დავით გვეტაძემ ზუგდიდში, ბათუმსა და ქობულეთში კერძო და საჯაროს სკოლების პედაგოგებისთვის მასტერკლასები გამართეს.

ტრენინგები დაეთმო მნიშვნელოვან და აქტუალურ საკითხებს - ინდივიდუალურ მიდგომასა და მოსწავლეთა პროფორიენტაციას. მონაწილეებმა მიიღეს პრაქტიკული რეკომენდაციები, თუ როგორ დაგეგმონ სასწავლო პროცესი მოსწავლეთა ინტერესებისა და უნარების გათვალისწინებით, ასევე როგორ შეუწყონ ხელი მათ სწორ კარიერულ არჩევანს.

მასტერკლასები ინტერაქტიულ ფორმატში ჩატარდა, სადაც მონაწილეებს საშუალება ჰქონდათ გაეზიარებინათ საკუთარი გამოცდილება და მიეღოთ პროფესიული განვითარებისთვის საჭირო პრაქტიკული ცოდნა.

შეხვედრების ფარგლებში ასევე გაიმართა კარიერული საკონსულტაციო პლატფორმის - „დომენიკოს“ პრეზენტაცია, რომელიც მომხმარებლებს აძლევს შესაძლებლობას მიიღონ ინფორმირებული გადაწყვეტილებები განათლებისა და კარიერის დაგეგმვის პროცესში.

ტრენინგის დასრულების შემდეგ მასწავლებლებს სერტიფიკატები გადაეცათ.