შეხვედრა თემაზე: „კარიერული ნავიგაცია ციფრულ ეპოქაში: Tech HR და რეკრუტინგის ტექნოლოგიები“

23 დეკემბერი, 13:00 საათი, აუდიტორია 401.

კავკასიის საერთაშორისო უნივერსიტეტის უწყვეტი განათლებისა და კარიერული განვითარების სამსახურის ორგანიზებით გაიმართება შეხვედრა თემაზე: „კარიერული ნავიგაცია ციფრულ ეპოქაში: Tech HR და რეკრუტინგის ტექნოლოგიები“.

პრაქტიკული მასტერკლასი დაეთმობა დასაქმების ბაზრის სამ ძირითად მიმართულებას: HR ტექნოლოგიებს, ბიზნეს-კონსალტინგსა და ციფრულ ინდუსტრიას.

შეხვედრას გაუძღვებიან პრაქტიკოსი სპიკერები, რომლებიც დეტალურად განიხილავენ კარიერული განვითარების ეტაპებს - რეზიუმეს გაგზავნიდან ბიზნეს-პროცესების მართვამდე.

მომხსენებლები:

გიორგი ხარატიშვილი - Chief People & Product Officer, (CPPO) HR Thoth - ისაუბრებს რეკრუტინგის ტექნოლოგიურ მხარეზე. გაიგებთ, როგორ მუშაობს ATS (შერჩევის ავტომატიზებული სისტემები), როგორ ამუშავებს ხელოვნური ინტელექტი მონაცემებს და რა კრიტერიუმებით ხდება კანდიდატების პირველადი გადარჩევა;

ლევან ყიფიანი - Octarinox, COO - განიხილავს ტექნოლოგიური სფეროს მოთხოვნებს. საუბარი შეეხება ციფრული გუნდების მართვას, საერთაშორისო სტანდარტებსა და იმ უნარებს, რომლებიც აუცილებელია თანამედროვე ტექ-კომპანიაში დასაქმებისთვის;

ლუკა ბაქრაძე - MAVEN, დამფუძნებელი და მმართველი პარტნიორი - გაგაცნობთ ბიზნეს-კონსალტინგის სფეროს. MAVEN-ის მაგალითზე განიხილება, თუ როგორ ხდება ბიზნეს-პროცესების აუთსორსინგი, კომპანიების გაციფრულება და სტრატეგიული განვითარება.

მასტერკლასი მოიცავს პრაქტიკულ რჩევებს, რეალური ქეისების განხილვასა და ინტერაქტიულ კითხვა-პასუხს.

შეხვედრის დასასრულს გაიმართბა ციფრული ვიქტორინა (Quiz) განხილულ საკითხებზე, გამარჯვებულები კი დაჯილდოვდებიან სიმბოლური პრიზებით.