საჯარო ლექცია: „ქართული ლიტერატურა, როგორც მსოფლიო ლიტერატურული მემკვიდრეობის ნაწილი“

კავკასიის საერთაშორისო უნივერსიტეტში სტუდენტ მენტორთა სამსახურისა და ბიბლიოთეკის ორგანიზებით გაიმართა საჯარო ლექცია თემაზე: „ქართული ლიტერატურა, როგორც მსოფლიო ლიტერატურული მემკვიდრეობის ნაწილი“/“Georgian Literature as Part of the World Literary Heritage”.

სპიკერი: ირმა რატიანი — თბილისის სახელმწიფო უნივერსიტეტის პროფესორი, ზოგადი და შედარებითი ლიტერატურის კვლევის დეპარტამენტის ხელმძღვანელი, შოთა რუსთაველის სახელობის ქართული ლიტერატურის ინსტიტუტის დირექტორი და ქართული შედარებითი ლიტერატურის ასოციაციის (GCLA) პრეზიდენტი.

ლექცია ინგლისურ ენაზე ჩატარდა, რომელსაც როგორც ქართველი, ასევე უცხოელი სტუდენტები ესწრებოდნენ. შეხვედრა კითხვა-პასუხის რეჟიმში გაგრძელდა, სადაც მონაწილეებს საშუალება ჰქონდათ, თავიანთი მოსაზრებები გაეზიარებინათ. ღონისძიების ბოლოს სპიკერს სიმბოლური საჩუქრები გადაეცა, ხოლო მონაწილეებმა „მეგობრობის კედელზე“ სამახსოვრო წარწერები გააკეთეს.