„პირველი დახმარება სასწავლო დაწესებულებებისთვის“ - სასწავლო კურსი თბილისის სკოლა „ცოდნა“-ში

4 მარტს, კსუ-ს უწყვეტი განათლების სამსახურისა და კლინიკური უნარ-ჩვევების ცენტრის მიერ, თბილისის სკოლა „ცოდნა“-ში, მოსწავლეების, პედაგოგებისა და ადმინისტრაციული პერსონალისთვის განკუთვნილი სასწავლო კურსი - „პირველი დახმარება სასწავლო დაწესებულებებისთვის“ - ჩატარდა.

კურსის მსვლელობისას, ყურადღება გამახვილდა ისეთ საკითხებზე, როგორიცაა: პაციენტის შეფასება, გულის გაჩერება, სასუნთქი გზების ობსტრუქცია, ასევე ისეთ გადაუდებელ მდგომარეობებზე, როგორიცაა გულის წასვლა, ალერგია და კრუნჩხვა.

აღსანიშნავია, რომ სასწავლო კურსი, როგორც თეორიულ, ასევე პრაქტიკულ მეცადინეობებს მოიცავდა.