საინფორმაციო შეხვედრა: „პლაგიატის პრევენცია და ხელოვნური ინტელექტი“

19 მარტი / 13:00 / აუდიტორია 101

კავკასიის საერთაშორისო უნივერსიტეტის ბიბლიოთეკისა და დოქტორანტურის სამსახურის ორგანიზებით გაიმართება საინფორმაციო შეხვედრა თემაზე: „პლაგიატის პრევენცია და ხელოვნური ინტელექტი“.

სპიკერი: მაია მეტრეველი - შპს „ინოვაციური საგანმანათლებლო კავშირების“ პროექტების მენეჯერი, საგანმანათლებლო სფეროში ათწლიანი სამუშაო გამოცდილებით.

ღონისძიების მიზანია, სტუდენტებისა და აკადემიური პერსონალისათვის აკადემიური კეთილსინდისიერების პრინციპების გაცნობა, პლაგიატის პრევენციის მნიშვნელობის ხაზგასმა და ხელოვნური ინტელექტის ეთიკური გამოყენების შესახებ ინფორმაციის გაზიარება.

შეხვედრის ფარგლებში მონაწილეები მიიღებენ პრაქტიკულ რეკომენდაციებს, თუ როგორ გამოიყენონ AI ინსტრუმენტები პასუხისმგებლიანად და როგორ დაიცვან აკადემიური სტანდარტები სასწავლო და კვლევით საქმიანობაში.

ღონისძიების დასასრულს გაიმართება კრეატიული კონკურსის - „შენი ხმა, შენი იდეა“ - გამარჯვებულების დაჯილდოება.