გაცვლითი პროგრამა შიაულიაის უნივერსიტეტში (ლიეტუვა)

კავკასიის საერთაშორისო უნივერსიტეტი აცხადებს სტუდენტების მიღებას Erasmus+ სემესტრულ გაცვლით პროგრამაზე შიაულიაის გამოყენებითი მეცნიერებების სახელმწიფო უნივერსიტეტში (შიაულიაი, ლიეტუვა). პროგრამაში მონაწილეობა შეუძლიათ CIU-ს ბიზნესისა და ტექნოლოგიების საბაკალავრო საგანმანათლებლო პროგრამის სტუდენტებს.

სწავლის ხანგრძლივობა: 1 სემესტრი (2025-2026 სასწავლო წლის გაზაფხულის სემესტრი).

დაფინანსება: სრული (360 ევრო - მგზავრობა, 800 ევრო - ყოველთვიური სტიპენდია).

ფინანსური პირობები:

მონაწილეები პარტნიორ უნივერსიტეტში გათავისუფლებულები არიან სწავლის საფასურის გადახდისგან, იხდიან CIU-ში ჩვეულ რეჟიმში.

პარტნიორი უნივერსიტეტი CIU-ს სტუდენტებს სთავაზობს ადგილს საუნივერსიტეტო საერთო საცხოვრებელში სტუდენტთათვის მისაღებ ფასებში.

მონაწილეობის მსურველებმა სააპლიკაციო დოკუმენტები (pdf ფორმატით) უნდა გადმოაგზავნონ 2025 წლის 10 ნოემბრის ჩათვლით ელ. ფოსტის მისამართზე ird@ciu.edu.ge.

სააპლიკაციო დოკუმენტები:

• პირადობის დამადასტურებელი საბუთის ასლი;
• ცნობა სტუდენტის სტატუსის შესახებ (ინგლისურ ენაზე);
• ნიშნების ფურცელი (ინგლისურ ენაზე);
• სამოტივაციო წერილი (ინგლისურ ენაზე);
• CV (ინგლისურ ენაზე).

შერჩევის კრიტერიუმები

• ინგლისური ენის ცოდნა მინიმუმ B1 დონეზე;
• მოტივაცია;
• აკადემიური მოსწრება.

ინფორმაცია კონკურსის შემდგომი ეტაპების შესახებ მონაწილეებს მიეწოდებათ ელ. ფოსტის მისამართებზე. 

დამატებითი ინფორმაციისთვის დაგვიკავშირდით CIU-ს საერთაშორისო ურთიერთობების დეპარტამენტს (507-ე ოთახი), ird@ciu.edu.ge , +995 32 261 12 98 (შიდა 109).

გისურვებთ წარმატებებს!