უნივერსიტეტის მართვის უმაღლესი ორგანოა პარტნიორთა კრება. პარტნიორთა კრება უნივერსიტეტის საქმიანობაში მონაწილეობას არ იღებს და პროცესზე კონტროლს ახორციელებს მის მიერ არჩეული კანცლერის მეშვეობით. უნივერსიტეტის უმაღლესი მმართველობითი რგოლი ასევე აერთიანებს:
ა) კანცლერს და მის მრჩევლებს
ბ) რექტორს და ვიცე რექტორებს
გ) ადმინისტრაციულ საბჭოს
დ) აკადემიურ საბჭოს
უნივერსიტეტის მართვის ძირითად სტრუქტურას კი ქმნიან ფაკულტეტები და რექტორისა და კანცლერის აპარატის შემადგენლობაში მყოფი სტრუქტურული ერთეულები, რომლებიც ახორციელებენ უნივერსიტეტის საქმიანობის მხარდაჭერას სასწავლო, კვლევითი და საზოგადოების განვითარებაში წვლილის შეტანის მიმართულებით.
