ადმინისტრაციული საბჭო არის კოლეგიური სათათბირო ორგანო, რომლის მიზანია უნივერსიტეტის სტრატეგიული მიმართულებების ჩამოყალიბება, განხორციელება და კონტროლი.

ფუნქციები:

ა) უნივერსიტეტის სტრატეგიული და სამოქმედო გეგმის შემუშავება, დამტკიცება, განხორციელების კონტროლი და კორექტივების შეტანა;

ბ) უნივერსიტეტისა და ბიზნესსექტორის თანამშრომლობისა და ფონდების მოზიდვის შესაძლებლობების განხილვა;

გ) სასწავლო და სამეცნიერო მიმართულებით დაგეგმილი და მიმდინარე ინოვაციური პროგრამების და პროექტების განხორციელების შესაძლებლობების და ფინანსური უზრუნველყოფის მექანიზმების განხილვა;

დ) განიხილავს უნივერსიტეტის მიმდინარე საკითხებს, რომელიც გამომდინარეობს უნივერსიტეტის სტრატეგიული და სამოქმედო გეგმებიდან და უკავშირდება უნივერსიტეტის განვითარებას.

ადმინისტრაციული საბჭოს შემადგენლობაში შედიან:

ა) კანცლერი;

ბ) რექტორი;

გ) რექტორის მოადგილეები;

დ) კანცლერისა და რექტორის მრჩევლები;

ე) ყველა სტრუქტურული ერთეულის ხელმძღვანელი.

ადმინისტრაციულ საბჭოს თავმჯდომარეობს კანცლერი. ადმინისტრაციული საბჭო იკრიბება წელიწადში მინიმუმ ერთხელ. ადმინისტრაციული საბჭოს მოწვევა ხდება კანცლერის მიერ საჭიროების გათვალისწინებით და მათ წინადადებებს/რეკომენდაციებს აქვს საკონსულტაციო ხასიათი.