ERASMUS+ გაცვლითი პროგრამა ბურგოსის უნივერსიტეტში (ესპანეთი) აკადემიური და ადმინისტრაციული პერსონალისთვის

Erasmus+ პროგრამის ფარგლებში კავკასიის საერთაშორისო უნივერსიტეტი აცხადებს მოკლევადიან გაცვლით პროგრამას ბურგოსის უნივერსიტეტში (ესპანეთი) აკადემიური და ადმინისტრაციული პერსონალისთვის;

საკონკურსო ადგილი: 1 სასწავლო მობილობა ბურგოსის უნივერსიტეტში;

მობილობის ხანგრძლივობა: 7 დღე (2 სამგზავრო და 5 სამუშაო);

მობილობის განხორციელების პერიოდი: 2024 წლის 7-დან 11 ოქტომბრამდე;

მობილობისთვის გამოყოფილი გრანტი: მაქსიმუმ 1.120 € (530 ევრო - სამგზავრო ხარჯები; 160 ევრო დღეში - საცხოვრებელი ხარჯები);

მობილობის მიზანი: შერჩეული პერსონალი ვალდებულია მიიღოს მონაწილეობა საერთაშორისო პერსონალის კვირეულში ბურგოსის უნივერსიტეტში;

განაცხადების მიღების ბოლო ვადაა 14 ივნისი, 2024 წელი;

სააპლიკაციო დოკუმენტები (pdf ფორმატით) მიიღება შემდეგ ელექტრონულ მისამართზე: ird@ciu.edu.ge

სააპლიკაციო დოკუმენტები:

• პირადობის დამადასტურებელი საბუთის ასლი;
• CV (ინგლისურ ენაზე);
• განაცხადის ფორმა;
• თანამშრომლების მობილობის ხელშეკრულება.

შერჩევის კრიტერიუმები და პროცესი:

შერჩევის პროცესი მოიცავს სამ ეტაპს;

კანდიდატების შეფასება და დამოწმება:

• განმახორციელებელი: პარტნიორი დაწესებულების შეფასების კომიტეტი;
• მეთოდი: წარმოდგენილი დოკუმენტაციის გადამოწმება;
• წესები: ინსტიტუტის შიდა რეგულაციები და Erasmus+ KA171 პროგრამის მიმართულებები;

შეფასების კრიტერიუმები:

• ინტერნაციონალიზაციის გამოცდილება: 40%;
• მოტივაცია: 20%;
• წინადადების აქტუალობა: 20%;
• ასაკი: 20%.

შერჩეულ და სარეზერვო კანდიდატთა სიის შედგენა:

• შეფასების კომიტეტი წარადგენს კრიტერიუმების დამაკმაყოფილებელ კანდიდატთა და სარეზერვო სიას;

საბოლოო შერჩევა ბურგოსის უნივერსიტეტში:

• ბურგოსის უნივერსიტეტის შერჩევის კომიტეტი აფასებს განაცხადებს და განსაზღვრავს ადგილების საბოლოო გადანაწილებას;
• შედეგები ქვეყნდება ბურგოსის უნივერსიტეტისა და პარტნიორი ინსტიტუტების განცხადებების დაფაზე.

დამატებითი ინფორმაცია:

აპლიკანტთა შეფასება განხორციელდება მხოლოდ აკადემიური მიღწევებისა და მოტივაციის საფუძველზე, ყოველგვარი დისკრიმინაციის გარეშე სქესის, რასის ან სხვა ნიშნით;

სპეციალური საჭიროებების მქონე ბენეფიციარებისთვის გათვალისწინებულია დამატებითი ფინანსური მხარდაჭერა. ასეთ შემთხვევაში, აპლიკანტებმა უნდა მიმართონ ბურგოსის უნივერსიტეტის საერთაშორისო ოფისს;

დამატებითი ინფორმაციისთვის მიმართეთ კავკასიის საერთაშორისო უნივერსიტეტის საერთაშორისო ურთიერთობების დეპარტამენტს (507-ე ოთახი), ird@ciu.edu.ge , (+995 32) 2 022115 (შიდა 109).