ტრენინგი - სტრესის მართვა

27 სექტემბერს კავკასიის საერთაშორისო უნივერსიტეტის უწყვეტი განათლებისა და კარიერული განვითარების სამსახურის ორგანიზებით გაიმართა ტრენინგი თემაზე: „სტრესის მართვა“.

ცენტრ „დიალოგში“ გამართულ ტრენინგს უძღვებოდა ფსიქოდიაგნოსტიკისა და ფსიქო-კონსულტირების მაგისტრი, ფსიქოლოგი, ფსიქო-კონსულტანტი, ფსიქოთერაპევტი თამარ კურატიშვილი.

ტრენერმა დამსწრე აუდიტორიას სტრესის მართვის ტექნიკა, თანამედროვე მიდგომები და მექანიზმები გააცნო. შეხვედრისას განხილული იყო ისეთი საკითხები როგორებიცაა:

• სტრესის შესწავლის მოკლე ისტორია;

• სტრესული სიმპტომები და მდგომარეობები;

• პროგრესული რელაქსაციის ტექნიკა;

• სტრესის ფსიქოფიზიოლოგია;

• რა არის ეუსტრესი და მისი დადებითი მხარეები;

• სტრესის დროს შფოთვა და სისტემატური დესენსიბილიზაცია;

• ABCDE-ტექნიკა;

• რა არის პროფესიული სტრესი;

• ჯანმრთელობისათვის ზიანის მომტან ქცევებთან ბრძოლის რამდენიმე გავრცელებული გზა;

• შემეცნებითი სავარჯიშოები/ტექნიკები;

ინტერაქციულ რეჟიმში ჩატარებულ შეხვედრას კავკასიის საერთაშორისო უნივერსიტეტის ხუთივე ფაკულტეტის სტუდენტები ესწრებოდნენ.

შეხვედრას მოდერაცია კავკასიის საერთაშორისო უნივერსიტეტის უწყვეტი განათლებისა და კარიერული განვითარების სამსახურის კოორდინატორმა გურამ ლილუაშვილმა გაუწია.