ტრენინგი თავდაცვის სამინისტროს ოფიცრებისთვის

26 აპრილს, კავკასიის საერთაშორისო უნივერსიტეტისა და „ეროვნული და კორპორაციული უსაფრთხოების სასწავლო-კვლევითი ცენტრის“ ორგანიზებით, საქართველოს თავდაცვის სამინისტროს ოფიცრებისთვის ტრენინგი გაიმართა თემაზე: „სადაზვერვო და კონტრსადაზვერვო საქმიანობის არსი სახელმწიფოს უსაფრთხოებასა და საერთაშორისო ურთიერთობებში“.

ტრენინგს „ეროვნული და კორპორაციული უსაფრთხოების სასწავლო-კვლევითი ცენტრის“ დირექტორი დავით კუხალაშვილი უძღვებოდა.

ოფიცრებს განათლებისა და მეცნიერების განვითარების მიმართულებით უნივერსიტეტის როლის შესახებ, ასევე, ქვეყნის ეროვნული უსაფრთხოების დაცვის საქმეში შეტანილი წვლილის შესახებ ესაუბრა CIU-ს საერთაშორისო ურთიერთობების საბაკალავრო პროგრამის ხელმძღვანელი, ასოცირებული პროფესორი ალიკა გუჩუა.

ტრენინგი მოიცავდა ისეთ საკითხებს როგორებიცაა: პოლიტიკური დაზვერვა და კონტრდაზვერვა; ეკონომიკური დაზვერვა და კონტრდაზვერვა; სამხედრო დაზვერვა და კონტრდაზვერვა; სამეცნიერო-ტექნიკური დაზვერვა და კონტრდაზვერვა.

დასასრულს ოფიცრებს ტესტირება ჩაუტარდათ და ტრენინგის წარმატებით გავლისთვის შესაბამისი სერტიფიკატები გადაეცათ.