სოლომონ მენაბდიშვილის საჯარო ლექცია

27 მარტს, კავკასიის საერთაშორისო უნივერსიტეტის (CIU) იუსტიციის აუდიტორიაში, სამართლის ფაკულტეტის ორგანიზებით, გაიმართა საჯარო ლექცია თემაზე: „ევროკავშირის კონკურენციის სამართალი“.

ლექციას უძღვებოდა ბათუმის შოთა რუსთაველის სახელმწიფო უნივერსიტეტის ჟან მონეს კათედრის „უფრო ახლოს ევროკავშირთან“ ხელმძღვანელი, სამართლის დოქტორი, პროფესორი სოლომონ მენაბდიშვილი.

ღონისძიების დაწყებამდე სტუმარი კავკასიის საერთაშორისო უნივერსიტეტის სამართლის ფაკულტეტის დეკანმა, გიორგი ხატიძემ წარადგინა, აღნიშნა დარგში სპიკერის პროფესიული დამსახურებები და განსახილველი საკითხის მნიშვნელობაზე გაამახვილა ყურადღება.

საჯარო ლექციის ფარგლებში სოლომონ მენაბდიშვილმა აუდიტორიას ევროკავშირის კონკურენციის სამართლის განვითარების, მისი რეგულირების მექანიზმებისა და საქართველოსთან შესაბამისობის საკითხებზე ესაუბრა. განიხილა ისეთი მნიშვნელოვანი თემები, როგორებიცაა: კარტელური შეთანხმებები, დომინანტი პოზიციის ბოროტად გამოყენება, კონცენტრაციები, სახელმწიფო დახმარება და კონკურენციის სამართლის რეგულირების სპეციფიკა. ყურადღება გამახვილდა საქართველოს კონკურენციის სამართლის განვითარებასა და ევროკავშირის ასოცირების შეთანხმების ფარგლებში მიღებულ ვალდებულებებზე, ასევე, ლექციის ფარგლებში განიხილეს საკითხთან დაკავშირებული პრაქტიკული შემთხვევები.

შეხვედრის მეორე ნაწილი ინტერაქციულ რეჟიმში წარიმართა, სადაც მსმენელებმა მათთვის საინტერესო კითხვებზე მიიღეს პასუხი.

ლექციას სამართლის ფაკულტეტის სტუდენტები და აკადემიური/ადმინისტრაციული პერსონალის წარმომადგენლები ესწრებოდნენ.