სახელმწიფო მართვის ნაციონალური აკადემიის ლვოვის ინსტიტუტის დირექტორის ვიზიტი კსუ-ში 18 ოქტომბერს, კსუ-ს რექტორი - კახაბერ კორძაია, სოციალურ მეცნიერებათა ფაკულტეტის კავკასიის გეოპოლიტიკური მოდელირების ლაბორატორიის ხელმძღვანელი - ალექსანდრე რუსეცკი, უცხოურ უნივერსიტეტებსა და სასწავლო-სამეცნიერო ორგანიზაციებთან თანამშრომლობის მიმართულებით საერთაშორისო ურთიერთობების დეპარტამენტის კოორდინატორი - სვეტლანა კირაკოსიანი და კსუ-ს ასოცირებული პროფესორი ვახტანგ სვანაძე - უკრაინის პრეზიდენტთან არსებული სახელმწიფო მართვის ნაციონალური აკადემიის ლვოვის ინსტიტუტის დირექტორს, ვლადიმერ ზაგორსკის შეხვდნენ. ქართულმა მხარემ, უკრაინელ სტუმარს, უნივერსიტეტის დაარსებისა და განვითარების ისტორია გააცნო, საუბარი ასევე ფაკულტეტებს, სასწავლო-საგანმანათლებლო პროგრამებს, უნივერსიტეტის პრიორიტეტებსა და საერთაშორისო თანამშრომლობის საკითხებს შეეხო. ვლადიმერ ზაგორსკიმ, თავისმხრივ, სახელმწიფო მართვის ნაციონალური აკადემიის ლვოვის ინსტიტუტის შესახებ ისაუბრა. მხარეებმა თანამშრომლობის ფორმატი და სამომავლო გეგმები დასახეს, რაც ყოველწლიურ სამეცნიერო კონფერენციებში მოწვევას, საერთო კვლევითი საკითხებისა და პროექტების დასახვა-განვითარებასა და ერთობლივი ვიდეოკონფერენციების მოწყობას გულისხმობს. უკრაინული მხარე ასევე სრულ მზადყოფნას აცხადებს, კსუ-ს წარმომადგენლების სამეცნიერო ნაშრომების, მაღალრეფერირებად და ციტირების მაღალი ინდექსის მქონე გამოცემებში დაბეჭდვის მიმართულებითაც.
ადრესატი
თქვენი სახელი
ელ-ფოსტა
თემა
შეტყობინება
