სასწავლო კურსი - „ახალშობილთა რეანიმაცია“

კავკასიის საერთაშორისო უნივერსიტეტი აცხადებს ორდღიან სასწავლო კურსს - „ახალშობილთა რეანიმაცია“

კურსი მოიცავს ახალშობილთა რეანიმაციის ბაზისური და დახვეწილი რეანიმაციის საფუძვლების შესწავლას ახალშობილის დაბადებიდან ახალშობილობის პერიოდის დასრულებამდე. კურსი განკუთვნილია ნეონატოლოგების, ბებია ქალების, მეანების, ანესთეზიოლოგ-რეანიმატოლოგების, რეანიმაციული და ნეონატოლოგიური განყოფილებების ექთნებისთვის, ასევე სამედიცინო სასწავლებლების მაღალი კურსის სტუდენტებისა და რეზიდენტებისთვის.

ახალშობილთა რეანიმაციის პროგრამის (NRP) მასალები დაფუძნებულია ამერიკის პედიატრიული აკადემიისა (AAP) და ამერიკის გულის ასოციაციის (AHA) ახალშობილთა გულ-ფილტვის რეანიმაციის რეკომენდაციებზე.

კურსის მსვლელობისას განხილული იქნება ახალშობილთა რეანიმაციის თეორიული საფუძვლები. კურსის უმეტესი დრო ეთმობა პრაქტიკული უნარების გამომუშავებას მანიკენებზე და გუნდურ მუშაობას.

კურსის მიზანია მსმენელებს შეასწავლოს:

• ახალშობილთა რეანიმაციის ზოგადი მიმოხილვა და პრინციპები;

• რეანიმაციის საწყისი საფეხურები;

• რეანიმაციული აღჭურვილობის გამოყენება ფილტვების დადებითი წნევით ვენტილაციის დროს;

• გულის არაპირდაპირი მასაჟი;

• ტრაქეის ინტუბაცია;

• მედიკამენტების გამოყენება რეანიმაციის დროს;

• ახალშობილთა განსაკუთრებული მდგომარეობები;

• დღენაკლი ახალშობილების რეანიმაცია.

ტრენერი: ირინა წირქვაძე - ანესთეზიოლოგ-რეანიმატოლოგი, გადაუდებელი დახმარების ექიმი, ბავშვთა ახალი კლინიკის გადაუდებელი დახმარების დეპარტამენტის ხელმძღვანელი, მ. იაშვილის სახელობის ბავშვთა ცენტრალური საავადმყოფოს გადაუდებელი დახმარების ექიმი, PALS, ACLS, ATLS პროვაიდერი BLS, NRT, PHTLS პროვაიდერი.

კურსის ხანგრძლივობა - 2 დღე; საშუალოდ - 12 სთ, დღეში - 6 სთ;

კურსის ღირებულება - 135 ლარი;

კურსის წარმატებით დასრულების შემთხვევაში გაიცემა სერტიფიკატი;

კურსის ჩატარების თარიღი დაინიშნება ჯგუფებთან შეთანხმებით.

საკონტაქტო პირი: ლაშა დოლიძე; ტელ: 592 529977 ელ.ფოსტა: lasha.dolidze@ciu.edu.ge