24 ნოემბერს კავკასიის საერთაშორისო უნივერსიტეტის სოციალურ მეცნიერებათა ფაკულტეტის „საერთაშორისო ურთიერთობებისა და პოლიტიკის სტუდენტური კლუბის“ ორგანიზებით, მრგვალი მაგიდა გაიმართა თემაზე: "საქართველოს როლი ნატოს სამშვიდობო მისიებში".
შეხვედრის მთავარი მომხსენებელი იყო სამხედრო მეცნიერებათა დოქტორი, გენერალ-მაიორი (გადამდგარი), გენერალური შტაბის ყოფილი უფროსი ვახტანგ კაპანაძე. სპიკერმა 90-იანი წლებიდან დღემდე, საქართველოს საერთაშორისო სამშვიდობო მისიებში მონაწილეობის საკითხები განიხილა, ასევე ისაუბრა ქვეყნის თავდაცვისუნარიანობასა და შეიარაღებული ძალების ნატოს სტანდარტებთან თავსებადობაზე.
მრგვალი მაგიდის ფარგლებში, კავკასიის საერთაშორისო უნივერსიტეტის საერთაშორისო ურთიერთობების საბაკალავრო პროგრამის ხელმძღვანელმა ალიკა გუჩუამ, ყურადღება ნატო-საქართველოს ურთიერთობებსა და საერთაშორისო პოლიტიკურ საკითხებზე გაამახვილა.
შეხვედრის დასკვნითი ნაწილი კი კითხვა-პასუხის რეჟიმით წარიმართა, რასაც აუდიტორიაში აქტიური დისკუსია მოჰყვა.
მრგვალი მაგიდის დაწყებამდე აუდიტორიას მიესალმნენ სოციალურ მეცნიერებათა ფაკულტეტის დეკანის მოადგილე ეკატერინე ჭალაგანიძე და „საერთაშორისო ურთიერთობებისა და პოლიტიკის სტუდენტური კლუბის“ დამფუძნებელი გიგი მხეიძე.
კავკასიის საერთაშორისო უნივერსიტეტის სტუდენტებისგან დაკომპლექტებული კლუბი მომავალშიც აქტიურად გეგმავს საერთაშორისო თუ რეგიონული პოლიტიკის შესახებ აქტუალურ საკითხებზე შეხვედრების გამართვას.
ადრესატი
თქვენი სახელი
ელ-ფოსტა
თემა
შეტყობინება