მაია ურუშაძის სადისერტაციო ნაშრომის დაცვა

4 ივლისს კავკასიის საერთაშორისო უნივერსიტეტის პოლიტიკის მეცნიერების სადოქტორო პროგრამის დოქტორანტ მაია ურუშაძის სადისერტაციო ნაშრომის საჯარო დაცვა გაიმართა თემაზე: „გლობალური აქტორების პროპაგანდის გავლენა პოლიტიკურ პროცესებზე ახალი დემოკრატიის ქვეყნებში“.

ნაშრომის სამეცნიერო ხელმძღვანელია პოლიტიკის მეცნიერების დოქტორი, პროფესორი თამარ კიკნაძე, ოფიციალური რეცენზენტები კი საერთაშორისო ურთიერთობისა და ევროპათმცოდნეობის დოქტორი, CIU - ს ასოცირებული პროფესორი დავით ტაბატაძე და სოციალურ მეცნიერებათა დოქტორი, ასოცირებული პროფესორი ხათუნა ჩარკვიანი.

ნაშრომის წარდგენისა და შესაბამისი პროცედურების გავლის შემდეგ, სადისერტაციო საბჭოს გადაწყვეტილებით, მაია ურუშაძეს პოლიტიკის მეცნიერების დოქტორის აკადემიური ხარისხი მიენიჭა.