კსუ აცხადებს ვაკანსიას სტომატოლოგიის პროგრამის კოორდინატორის თანამდებობაზე.

კავკასიის საერთაშორისო უნივერისტეტი აცხადებს ვაკანსიას სტომატოლოგიის პროგრამის კოორდინატორის თანამდებობაზე.

საკვალიფიკაციო მოთხოვნები:

· მაგისტრის ან მასთან გათანაბრებული ხარისხი;

· საგანმანათლებლო დაწესებულებაში აკადემიურ ან ადმინისტრაციულ თანამდებობაზე მუშაობის არანაკლებ 1 წლიანი გამოცდილება;

· უმაღლესი საგანმანათლებლო პროგრამების სტრუქტურის, კურიკულუმის, სილაბუსისა და პროგრამასთან დაკავშირებული საკანონმდებლო რეგულაციების ცოდნა;

· საოფისე პროგრამების ცოდნა;

· უცხო ენის ცოდნა (მინიმუმ B2 დონე);

დამატებითი მოთხოვნები:

· ორგანიზაციული მართვის უნარი;

· სტუდენტებთან და პერსონალთან საქმიანი და კორექტული ურთიერთობის უნარი;

· გუნდური მუშაობის უნარი.

ფუნქცია-მოვალეობები:

• დეკანისა და პროგრამის ხელმძღვანელის დავალებების შესრულება პროგრამის ფარგლებში სასწავლო და საორგანიზაციო საკითხებთან დაკავშირებით;
• პროგრამის ხელმძღვანელის ასისტირება შიდა და გარე მობილობის პროცესში;
• პროცესის მართვა, სტუდენტებისთვის შესაბამისი დოკუმენტაციის მომზადება და გადაცემა;
• სისტემა „გონში“ სილაბუსების ატვირთვის კონტროლი და საჭიროებისას დახმარების გაწევა ლექტორებისა და პროგრამის ხელმძღვანელისადმი;
• დამამთავრებელი კურსის სტუდენტთა სასწავლო ბარათების მომზადება/მოწესრიგება;
• სტუდენტისთვის დახმარების გაწევა საგნების ადექვატურად არჩევაში;
• სტუდენტებისათვის ინდივიდუალური სასწავლო გეგმის, რუკების შედგენაში პროგრამის ხელმძღვანელის ასისტირება;
• კომპეტენციის ფარგლებში, ფაკულტეტის სახელით მოთხოვნილი ინფორმაციის მიწოდება დაინტერესებული პირებისათვის;
• სტუდენტებისთვის სასწავლო პროცესთან დაკავშირებულ საკითხებში დახმარების გაწევა (საგნების არჩევა, გადარჩევა, სასწავლო პროგრამაში ნავიგაცია);
• ლექტორების ასისტირება სასწავლო პროცესთან დაკავშირებულ საკითხებზე;
• კონსულტაციის გაწევა სასწავლო პროცესის მართვის სისტემაში „გონი“ ნავიგაციასა და უწყისების ფორმირებასთან დაკავშირებით;
• საქმისწარმოება;
• უნივერსიტეტის სხვადასხვა ადმინისტრაციული ერთეულების დავალებების შესრულება;
• დაინტერესებული პირებისთვის ფაკულტეტის პროგრამების შესახებ ინფორმაციის მიწოდება;
• კურიკულუმის სამუშაო ჯგუფის სხდომების ორგანიზებასა და მიმდინარეობაში მონაწილეობა, სხდომის ოქმების შედგენა;
• სტუდენტებთან ფოკუს შეხვედრებში მონაწილეობა, შეხვედრის შედეგების ანალიზში მონაწილეობა.

სამუშაო პირობები:

სამუშაო გრაფიკი: სრული;

სამუშაო საათების რაოდენობა: 40 საათი კვირაში;

გამოსაცდელი ვადა: სამი თვე (ანაზღაურებადი).

კონკურსის პირობები:

საკონკურსო განაცხადების გადარჩევა;

გასაუბრება.

საკონკურსო დოკუმენტაცია მიიღება 2020 წლის 19 დან 26 თებერვლის ჩათვლით.

დაინტერესების შემთხვევაში, გთხოვთ, სათაურის ველში მიუთითოთ ვაკანსიის დასახელება და გამოაგზავნოთ თქვენი რეზიუმე ელ.ფოსტაზე : hr@ciu.edu.ge