გასვლითი ლექცია

31 მაისს, კავკასიის საერთაშორისო უნივერსიტეტის ბიზნესისა და ტექნოლოგიების ფაკულტეტის ტურიზმის საბაკალავრო პროგრამის სტუდენტებისთვის, ლექტორ გიგი ყუფარაძის ხელმძღვანელობით, ჩატარდა გასვლითი ლექცია ორ საგანში - „საექსკურსიო მენეჯმენტი“ და „გიდის ხელოვნება და საქართველოს ტურისტული მარშრუტები“.

გასვლითი აქტივობის ფარგლებში სტუდენტთა ორმა ჯგუფმა წარმოადგინა საცდელი ექსკურსია და მარშრუტი. გიდების ამპლუაში იყვნენ: ანი ჟუჟუნაშვილი, ეკა ბებია, ანი დავითაძე და ანი წიქარიძე. სტუდენტებს შემუშავებული ჰქონდათ ორი საექსკურსიო მარშრუტი და ამ მარშრუტების შესაბამისი ტექნოლოგიური რუკები, ოთხივე მათგანი კი ჯგუფს საკუთარი ინდივიდუალური საექსკურსიო ტექსტით უძღვებოდა.