ERASMUS+ აკადემიური პერსონალის მობილობა სწავლებისათვის გდანსკის უნივერსიტეტში

Erasmus+ პროგრამის ფარგლებში, გლდანსკის უნივერსიტეტი აცდადებს მოკლევადიან გაცვლით პროგრამას CIU-ს აკადემიური პერსონალისათვის.

მობილობის დეტალები:

• ტიპი: სწავლება გდანსკის უნივერსიტეტში;
• ხანგრძლივობა: მინიმუმ 5 სამუშაო დღე (დამატებით 2 დღე მგზავრობისათვის);
• გრანტი: 140 € დღეში (შედის მგზავრობის 2 დღეც) + მგზავრობის ხარჯებში წვლილის შეტანა, რომელიც გამოითვლება EC მანძილის კალკულატორის საფუძველზე.

განაცხადის შეტანის ბოლო ვადა: 3 ივლისი, 2024

სააპლიკაციო დოკუმენტები (უნდა იქნას გაგზავნილი ელექტრონულად შემდეგ მისამართზე: ird@ciu.edu.ge):

• განაცხადის ფორმა (გდანსკის უნივერსიტეტის მიერ მოწოდებული);
• მობილობის შეთანხმება სწავლებისათვის;
• პირადობის მოწმობის ასლი;
• ცნობა ბანკიდან ანგარიშის დეტალებით;
• დაზღვევის დამადასტურებელი საბუთი (ჯანმრთელობა, უბედური შემთხვევა და პასუხისმგებლობა).

შერჩევის კრიტერიუმები და პროცესი:

1. საწყისი შერჩევა მოხდება მშობლიურ უნივერსიტეტში:

მეთოდი: მობილობის პროგრამის ღირებულების შეფასება

კრიტერიუმები: მიზნები, შინაარსი, მოსალოდნელი შედეგები და მობილობის გავლენა

2. გდანსკის უნივერსიტეტში კანდიდატურის წარდგენა

3. მიღება გდანსკის უნივერსიტეტის მიერ: • გდანსკის უნივერსიტეტი განიხილავს წარდგენილ კანდიდატურებს და გასცემს მიღების წერილებს

შეფასების კრიტერიუმები:

• შიდა-ინსტიტუციურ შეთანხმებასთან შესაბამისობა;
• ენის ცოდნა;
• სწავლების პროგრამის ხარისხი;
• მობილობის მოსალოდნელი გავლენა.

სავალდებულო კრიტერიუმია რუსული ენის თავისუფლად ფლობა, რადგან კანდიდატმა უნდა შეძლოს რუსულ ენაზე წაიკითხოს ლექციები ისეთ თემებზე, როგორიცაა: სლავური ენები, ლიტერატურა, კულტურები, ისტორია და ა.შ. რეკრუტირების პროცედურა უნდა გაგრძელდეს მინიმუმ ერთი კვირა.

დამატებითი ინფორმაცია:

• საჭიროა კვირაში მინიმუმ 8 სასწავლო საათი;
• შერჩევის პროცესი უზრუნველყოფს თანაბარ შესაძლებლობებს და გამორიცხავს დისკრიმინაციას;
• მონაწილეებმა უნდა შეავსონ ევროკავშირის ონლაინ გამოკითხვა მობილობის შემდეგ.

დამატებითი ინფორმაციისთვის მიმართეთ კავკასიის საერთაშორისო უნივერსიტეტის საერთაშორისო ურთიერთობების დეპარტამენტს (ოთახი 507), ird@ciu.edu.ge, (+995 32) 2 022115 (შიდა 109).