CIU-ს სასკოლო-საგანმანათლებლო პროექტი - „კამათის ხელოვნება”

კავკასიის საერთაშორისო უნივერსიტეტის სასკოლო-საგანმანათლებლო პროექტი - „კამათის ხელოვნება” (ისწავლე თამაშით)

დებულება

„ვკამათობთ არა კამათისთვის, არამედ ვკამათობთ შედეგისთვის“

პროექტის მიზნები:

ახალგაზრდებში არგუმენტირებული კამათის კულტურის, კრიტიკული აზროვნების, სასაუბრო დროის რაციონალურად სარგებლობის, საჭირო მასალებისა თუ ინფორმაციის მოძიების უნარების განვითარება. ასევე, მათი სწორად გამოყენება, კომპრომისის ნახვა და შეთანხმება.

პროექტში მონაწილეობის უფლება აქვთ საჯარო და კერძო სკოლების X, XI და XII კლასის მოსწავლეებს.

პროექტის ფორმატი:

ვკამათობთ, ვპოულობთ კომპრომისს, ვთანხმდებით;

• პროექტი შედგება ორი ეტაპისგან: ტრენინგი და თამაში;
• რეგისტრირებული გუნდები თამაშამდე გადიან შემდეგ ტრენინგებს - „კამათის კულტურა“; „შეთანხმების დოკუმენტი“;
• რეგისტრაციის შემდეგ გუნდები წყვილდებიან არჩეული თემებისა და შესაბამისი მენტორის მიხედვით;
• თამაშზე თითოეულ მენტორს ჰყავს 4 გუნდი, რომლებიც დასწრების პრინციპით რეგისტრირდებიან;
• გუნდი შედგება 3 მოთამაშისგან (კაპიტანი და ორი მოთამაშე);
• დისკუსიის დრო - 1:30 საათი (60 წთ. - კამათისთვის, 30 წთ. - შეთანხმებისთვის / კომუნიკეს მიღება);
• ტრენინგები ჩატარდება ონლაინ რეჟიმში, ხოლო თამაშის დღეს სავალდებულოა ფიზიკურად გამოცხადება;

• გუნდებს მზადების პროცესში ლიტერატურით ეხმარება მენტორი.

შეფასების კრიტერიუმები:

• ლოგიკური მსჯელობა;
• ფაქტების ცოდნაზე დამყარებული არგუმენტირებული მსჯელობა;
• საკუთარი პოზიციის დაფიქსირება;
• მოლაპარაკების ტექნიკა და გუნდისთვის მომგებიანი შეთანხმების (კომუნიკე) გაფორმების უნარი.

პროექტის ხანგრძლივობა - 1 თვე;

პროექტის თემატიკა და მენტორები:

პოლიტიკის მიმართულება

გელა გიორგაძე - კავკასიის საერთაშორისო უნივერსიტეტის პოლიტიკის მეცნიერების სადოქტორო პროგრამის დოქტორანტი, თადარიგის ბრიგადის გენერალი;

თემატიკა - „სახელმწიფოს როგორი ტიპია მისაღები საქართველოსთვის (ტერიტორიული მოწყობისა და მმართველობის ფორმის გათვალისწინებით)“.

თამარ ჩიბურდანიძე - პოლიტიკის მეცნიერების დოქტორი, კავკასიის საერთაშორისო უნივერსიტეტის პროფესორი, საქართველოს პარლამენტის ექსპერტი პოლიტიკურ კომუნიკაციებსა და დემოგრაფიულ პოლიტიკაში;

თემატიკა - „როგორი უნდა იყოს საქართველოს პოლიტიკური იმიჯი მსოფლიოში: იდენტურობა თუ იდენტობა? (ლიბერალიზმი და კონსერვატორიზმი)“.

სამართალის მიმართულება

ირინა ბათიაშვილი - შპს „თბილისი ენერჯის“ გენერალური დირექტორის კონსულტანტი გენდერულ საკითხებში, კავკასიის საერთაშორისო უნივერსიტეტის სამართლის სადოქტორო პროგრამის დოქტორანტი, საქართველოს ადვოკატთა ასოციაციის ინტელექტუალური საკუთრების სამართლის კომიტეტის წევრი, ევროპის უნივერსიტეტის სამართლის ინსტიტუტის მეცნიერ თანამშრომელი, სამართლის მეცნიერთა კავშირის წევრი;

თემატიკა: "კაზუსი ადამიანის უფლებათა და ძირითად თავისუფლებათა დაცვის კონვენციის (ევროპული კონვენციის) მე-10 მუხლის მიხედვით."

ირაკლი ნადარეიშვილი - საქართველოს გენერალური პროკურატურის სამართალწარმოების პროცესში ჩადენილი დანაშაულის გამოძიების დეპარტამენტის უფროსი; სამართლის დოქტორი, კავკასიის საერთაშორისო უნივერსიტეტის ასოცირებული პროფესორი.

თემატიკა - „ცილისწამების სისხლის სამართლის წესით დასჯადობის მიზანშეწონილობა და სიტყვისა და გამოხატვის თავისუფლება“.

მასობრივი კომუნიკაციის მიმართულება

გიორგი გოგოხია - კავკასიის საერთაშორისო უნივერსიტეტის მასობრივი კომუნიკაციის სადოქტორო პროგრამის დოქტორანტი;

თემატიკა - „ტრადიციული და სოციალური მედია“.

ბიზნესის მიმართულება

გიორგი კაპანაძე - კავკასიის საერთაშორისო უნივერსიტეტის ბიზნესის ადმინისტრირების სადოქტორო პროგრამის დოქტორანტი;

თემატიკა - „ტრადიციული ჰიდროელექტრო სადგურები თუ განახლებადი ენერგიის (მზის, ქარისა და მწვანე წყალბადის) სადგურები?“.

კოკა კაჭარავა - Phd დოქტორი - ჯანდაცვის კვლევისა და განვითარების მიმართულება/ ფარმაკოლოგია (საფრანგეთი), კავკასიის საერთაშორისო უნივერსიტეტის ბიზნესის ადმინისტრირების სადოქტორო პროგრამის დოქტორანტი (ჯანდაცვის მენეჯმენტის მიმართულებით);

თემატიკა - „ჯანმრთელობა და თვითმკურნალობა“.

მნიშვნელოვანი თარიღები:

• 1 - 6 ნოემბერი - რეგისტრაცია;
• 12 - 13 ნოემბერი - ტრენინგი;
• 14 - 19 ნოემბერი - მოსამზადებელი პერიოდი;
• 20 ნოემბერი - თამაში და პროექტის დახურვა.

რეგისტრაციის მსურველებმა სარეგისტრაციო ანკეტა გადმოაგზავნეთ შემდეგ ელექტრონულ ფოსტაზე: schoolprojects@ciu.edu.ge

იხილეთ სარეგისტრაციო ანკეტის ფორმა 

პროექტის ავტორი და ხელმძღვანელი - მარინე უგულავა.

ტელ: 577 211444

პროექტის კოორდინატორი - ნია სადაღაშვიული.

ტელ: 555658644