CIU-ს ბიზნესისა და ტექნლოგიების ფაკულტეტის სტუდენტური კვლევითი პროექტი აქტიურ ფაზაში შევიდა

კავკასიის საერთაშორისო უნივერსიტეტის ბიზნესისა და ტექნლოგიების ფაკულტეტის სტუდენტური კვლევითი პროექტი „ბიზნეს კვლევები მდგრადი განვითარების მხარდასაჭერად“ აქტიურ ფაზაში შევიდა. პროექტის ფარგლებში, მონაწილეებს 4 ტრენინგი შემდეგი მიმართულებებით ჩაუტარდათ:

,,სურსათის დანაკარგები და ნარჩენები, პრობლემის მნიშვნელობა და გამოწვევები" - სპიკერი: გაეროს სურსათისა და სოფლის მეურნეობის ორგანიზაცია FAO-ს პოლიტიკის მრჩეველი, ჯუმბერ მარუაშვილი;

„კვლევის მეთდოლოგია“ / „მონაცემთა ანალიზი“ - სპიკერი: კავკასიის საერთაშორისო უნივერსიტეტის მარკეტინგული კვლევების ლაბორატორიის ხელმძღვანელი, თათია ბრეგვაძე;

„დისტრიბუციის როლი მიწოდების ჯაჭვში, პრობლემები და გამოწვევები“ - სპიკერი: საქართველოს დისტრიბუტორთა ბიზნეს ასოციაციის ხელმძღვანელი, ივა ჭყონია.

აღნიშნული ტრენინგები დაეხმარება მონაწილეებს საკვლევი თემატიკის -„სასურსათო ნარჩენები და დანაკარგები მიწოდების ჯაჭვებში" - უკეთ გაცნობა- გაანალიზებასა და კვლევისათვის საჭირო ინფორმაციის მოძიებაში.