სამეცნიერო კონფერენცია - საქართველოს ეკლესია გუშინ, დღეს

კავკასიის საერთაშორისო უნივერსიტეტში სამეცნიერო კონფერენცია - ,,საქართველოს ეკლესია გუშინ, დღეს“ - ჩატარდა.

სამეცნიერო კონფერენციის მიზანი ქართული ეკლესიის ისტორიისა და სააღმშენებლო ხუროთმოძღვრების თავისებურებათა მეცნიერული ანალიზი იყო.

კონფერენცია კსუ-ს რექტორმა პროფესორმა კახაბერ კორძაიამ გახსნა. პლენარული სხდომის მოდერატორი ისტორიის მეცნიერებათა დოქტორი ქეთევან შოშიაშვილი გახლდათ.

კონფერენციაზე პირველი მოხსენებით მიტროპოლიტი ანანია ჯაფარიძე გამოვიდა, თემით - ,,ქართველი მონოფიზიტები“. მომხსენებლები სხვადასხვა ორგანიზაციასა და სასწავლო დაწესებულებებს წამოადგენდნენ.

კონფერენციის მონაწილეებმა ისეთ საკითხებზე გაამახვილეს ყურადღება, როგორიცაა: ეპისკოპოს კირიონის მოღვაწეობა სოხუმის ეპარქიაში, კულტურული მემკვიდრეობის დაცვის პრობლემა სამხრეთ კავკასიაში, თბილისის წმინდა ნიკოლოზ სასწაულმოქმედის ეკლესია.