სტუდენტური ცხოვრება

გაზიარება ბეჭდვა

კავკასიის საერთაშორისო უნივერსიტეტში აკადემიურ პროცესთან ერთად აქტიური სტუდენტური ცხოვრებაა. სტუდენტთა გართობის, განტვირთვისა და სხვადასხვა შემოქმედებითი ინტერესების დაკმაყოფილებისთვის შექმნილია სპორტული, კულტურული და საგანმანათლებლო კლუბები, რომლებიც აქტიურად იღებენ მონაწილეობას საუნივერსიტეტო თუ მის ფარგლებს გარეთ განხორციელებულ სხვადასხვა ღონისძიებაში.

სტუდენტური ცხოვრების აქტიურად წარმართვაში მნიშვნელოვან როლს ასრულებს კსუ-ს სტუდენტური თვითმმართველობა. სტუდენტურ კლუბებსა და სტუდენტურ თვითმმართველობას კოორდინირებას უწევს კსუ-ს ახალგაზრდობის, სპორტისა და კულტურის სამსახური, რომელიც დამაკავშირებელი რგოლია უნივერსიტეტის ხელმძღვანელობასა და სტუდენტებს შორის კლუბების ფუნქციონირებასა და სტუდენტური თვითმმართველობის საქმიანობასთან დაკავშირებულ საკითხებში.

კსუ-ს ნებისმიერ სტუდენტს შესაბამისი პროცედურების დაცვით შეუძლია შეურთდეს უკვე არსებულ კლუბებს ან დააფუძნოს ახალი.

რეგისტრაცია/გაწევრიანება

კსუ-ს ნებისმიერ სტუდენტს / სტუდენტთა ჯგუფს ახალი კლუბის ან არსებულ კლუბში გაწევრიანებისთვის შეუძლია განცხადებით მიმართოს კსუ-ს ახალგაზრდობის, სპორტისა და კულტურის სამსახურს (კსუ-ს ცენტრალური კორპუსი, ოთახი N 310). ასევე, შესაძლებელია განცხადების გამოგზავნა შემდეგ ელექტრონულ მისამართზე: youth@ciu.edu.ge

საკონტაქტო პირი: ზურაბ ქავთარია, კსუ-ს ახალგაზრდობის, სპორტისა და კულტურის სამსახურის ახალგაზრდული აქტივობებისა და სპორტის საკითხების კოორდინატორი - 555 949 959

კლუბებში გაწევრიანებისთვის, ასევე, შესაძლებელია დაუკავშირდეთ კონკრეტული კლუბის საკონტაქტო პირს.

ხატვის სტუდია

კსუ-ს ხატვის სტუდია უნივერსიტეტსა თუ მის ფარგლებს გარეთ პერიოდულად მართავს სხვადასხვა თემატიკის გამოფენას. სტუდია სტუდენტებს ფერწერისა და ხატწერის მიმართულებებს სთავაზობს.

საკონტაქტო პირი: მაკა ტაბიძე, ხატვის სტუდიის ხელმძღვანელი - 599 344 282

მუსიკალური ბენდი

კსუ-ს მუსიკალური ბენდი დაინტერესებულ მსმენელს სთავაზობს სხვადასხვა ჟანრის პოპულარულ მუსიკას. ბენდი აქტიურად მონაწილეობს უნივერსიტეტში თუ მის ფარგლებს გარეთ გამართულ სხვადასხვა შემოქმედებით ღონისძიებაში.

საკონტაქტო პირი:

ხალხური სიმღერის ანსამბლი - ,,კავკასიელი“

კსუ-ს ხალხური სიმღერის ანსამბლი ორიენტირებულია სტუდენტებისთვის ქართული ხალხური სიმღერების სწავლებაზე (სხვადასხვა ტრადიციული საკრავის აკომპანიმენტის ფონზე). ანსამბლი პერიოდულად აქტიურ მონაწილეობას იღებს სხვადასხვა სახის შემოქმედებით ღონისძიებაში.

საკონტაქტო პირი: ბეჟან წინწალაშვილი - 555 556 195

კალათბურთის გუნდი

კსუ-ს კალათბურთის გუნდი აქტიურ მონაწილეობას იღებს საქართველოს კალათბურთის ფედერაციის მიერ ორგანიზებულ სუპერ ლიგაში. ასევე გუნდი ასპარეზობს საუნივერსიტეტო ჩემპიონატში.

საკონტაქტო პირი: ირაკლი ბანძავა 555 746 270

ფრენბურთის გუნდი

კსუ-ს ფრენბურთის გუნდი მონაწილეობას იღებს საქართველოს ფრენბურთის ფედერაციის მიერ ორგანიზებულ საქართველოს ჩემპიონატის უმაღლეს ლიგაში.

საკონტაქტო პირი: დიტო ხუბულავა - 571 552 626

ფუტსალის გუნდი

კსუ-ს ფუტსალის გუნდი აქტიურად მონაწილეობს ბიზნეს ლიგასა და უნივერსიადის უმაღლეს ლიგაში.

საკონტაქტო პირი: ლევან კობაიძე, გუნდის მწვრთნელი - 592 345 678

მხიარულთა და საზრიანთა გუნდი „Old Boys“

კსუ-ს მხიარულთა და საზრიანთა გუნდი „Old Boys“ პერიოდულად წარმატებით თამაშობს უნივერსიტეტისა და ქვეყნის მასშტაბით გამართულ КВН-ის სხვადასხვა ჩემპიონატზე. ეტაპობრივად გუნდი ახლდება, ახალი თაობა კი არანაკლებ წარმატებით ასპარეზობს.

საკონტაქტო პირი:

ინტელექტკლუბი

კსუ-ს ინტელექტკლუბი უკვე წლებია გამოირჩევა აქტიურობით, ის სეზონურად მართავს „რა? სად? როდის?“ ტიპის თამაშებს. ასევე ხშირია თემატური ქვიზების, ჯეპარდისა და ბრეინინგის ტიპის თამაშების ორგანიზება. თამაშებში აქტიურად არიან ჩართულნი კსუ-ს სტუდენტებისგან დაკომპლექტებული გუნდები.

• ინტელექტკლუბი;

• დებატკლუბი ( მორგენთაუს კლუბი);

• ლიტერატურული კლუბი ( კარცერ-ლუქსი);

• კინოკლუბი ( მოქალაქე კეინი);

• ანალიტიკურ შემეცნებითი კლუბი ( ასე იტყოდა ზარატუსტრა).

საკონტაქტო პირი: ბაკურ ხუბულავა, კსუ-ს ინტელექტკლუბის დამფუძნებელი - 591 502 399

ბილიარდის კლუბი; ავტოკლუბი; კარტინგი კლუბი; ბოულინგის კლუბი

კლუბებში გაწევრიანებული სტუდენტები პერიოდულად იღებენ მონაწილეობას სხვადასხვა საუნივერსიტეტო ჩემპიონატში, სტუდენტურ დღეებსა და სხვა აქტივობებში.

გამოიწერეთ სასურველი კატეგორიები: