კავკასიის საერთაშორისო უნივერსიტეტი (CIU) ჩართულია საქართველოსა და უცხოეთში ჩატარებულ განათლების საერთაშორისო გამოფენებში, სადაც წარმოდგენილია უნივერსიტეტის, მისი უცხოენოვანი სასწავლო პროგრამების, საუნივერსიტეტო ცხოვრების შესახებ ინფორმაცია, რომელიც მიზნად ისახავს უცხოელი სტუდენტებისა და პერსონალის მოზიდვას.
2012 წლიდან მოყოლებული, ყოველწლიურად კავკასიის საერთაშორისო უნივერსიტეტი აქტიურად მონაწილეობს და ჩართულია IEFG - განათლების საერთაშორისო გამოფენაში.
2017 წლის 13-15 აპრილს არაბეთის გაერთიანებულ საემიროში, ქალაქ დუბაიში სამდღიან საერთაშორისო საგანმანათლებლო გამოფენაში კავკასიის საერთაშორისო უნივერსიტეტმა განათლებისა და მეცნიერების სამინისტროს ეგიდით მიიღო მონაწილეობა. საერთაშორისო საგანმანათლებლო გამოფენაზე საქართველოდან განათლებისა და მეცნიერების სამინისტროს პროექტით „Study in Georgia“ მონაწილეობდა 8 უნივერსიტეტი.
CIU-ს წარმომადგენლები 2018 წლის 27-29 აპრილს, უნივერსიტეტის სახელით, ინდოეთში, ქალაქ დელიში - „International Higher Education Summit and Student Fair-ზე“ იმყოფებოდნენ.
აღნიშნული საგანმანათლებლო გამოფენა, თავისი მასშტაბებითა და მონაწილეების რაოდენობით ერთ-ერთი უდიდესია. წელს, ღონისძიებაში კავკასიის საერთაშორისო უნივერსიტეტთან ერთად, 80-მდე საგანმანათლებლო დაწესებულება ჩაერთო.
გამოფენაზე, CIU-ს სტენდთან, დაინტერესებულ სტუდენტებს საშუალება ჰქონდათ სასწავლო პროგრამების, პირობების, სიახლეებისა და სხვადასხვა შემოთავაზებების შესახებ ამომწურავი ინფორმაცია უნივერსიტეტის წარმომადგენლებისგან მიეღოთ.
2023 წლის ივნისში კავკასიის საერთაშორისო უნივერსიტეტმა ინდოეთში გამართულ „საქართველოს განათლების გამოფენა 2023-ში“ მიიღო მონაწილეობა. გამოფენის ერთ-ერთი თანაორგანიზატორი, ინდოეთში საქართველოს საელჩოსთან ერთად, კავკასიის საერთაშორისო უნივერსიტეტი იყო.
გამოფენა მიზნად ისახავდა საქართველოს, როგორც საგანმანათლებლო ჰაბის პოპულარიზაციასა და საქართველოში სწავლის გაგრძელების მსურველთათვის უმაღლესი საგანმანათლებლო დაწესებულებების პროგრამების, შეთავაზებებისა და სხვა შესაძლებლობების გაცნობას. ვიზიტის ფარგლებში, CIU-ს წარმომადგენლებმა, საქართველოში სწავლის გაგრძელების მსურველებსა და სტუდენტთა რეკრუტირებაზე მომუშავე სააგენტოებს გააცნეს უნივერსიტეტის საგანმანათლებლო პროგრამები, უპირატესობები და შეთავაზებები.
2023 წლის 6-7 ოქტომბერს ექსპოჯორჯიაში გამართულ განათლების მე-13 საერთაშორისო გამოფენაზე, სადაც 50-მდე უცხოური და ადგილობრივი უნივერსიტეტი და პროფესიული სასწავლებელი მონაწილეობდა, კავკასიის საერთაშორისო უნივერსიტეტი ინფორმაციული სტენდით იყო წარმოდგენილი. ადგილზე დაინტერესებულ პირებს შესაძლებლობა ჰქონდათ მიეღოთ დეტალური ინფორმაცია უნივერსიტეტის საგანმანათლებლო პროგრამების, საზღვარგარეთ გაცვლითი პროგრამებისა და სტუდენტური აქტივობების შესახებ.
აღსანიშნავია, რომ CIU-ს სტენდი ექსპოჯორჯიას მიერ დაჯილდოვდა ნომინაციაში - „საუკეთესო სტენდის კონცეფცია“.
2024 წლის 28-31 მაისს, ნიუ ორლეანში (აშშ), კავკასიის საერთაშორისო უნივერსიტეტის დელეგაციამ მონაწილეობა მიიღო NAFSA 2024-ის გამოფენა-კონფერენციაში (NAFSA - National Association of International Educators - საერთაშორისო განათლების ეროვნული ასოციაცია).
NAFSA-ს კონფერენცია, რომელიც ცნობილია როგორც მსოფლიოში ერთ-ერთი ყველაზე მასშტაბური და პრესტიჟული შეკრება საერთაშორისო განათლებისთვის, უნიკალურ პლატფორმას ქმნის საგანმანათლებლო დაწესებულებებისთვის პარტნიორული ქსელების გაფართოების, აზრების გაზიარებისა და ახალი შესაძლებლობების შესასწავლად.
