27 აპრილს კავკასიის საერთაშორისო უნივერსიტეტსა და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატს შორის ურთიერთთანამშრომლობის მემორანდუმი გაფორმდა.
მემორანდუმს ხელი კავკასიის საერთაშორისო უნივერსიტეტის რექტორმა, კახაბერ კორძაიამ და იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა, ნანა გაბელიამ მოაწერეს.
მემორანდუმის მიზანია მხარეთა საერთო ინტერესების სფეროში შემავალ საკითხებზე თანამშრომლობა ერთობლივი პროექტების, კვლევების, სასწავლო-საგანმანათლებლო, სამეცნიერო ღონისძიებებისა და ინიციატივების განხორციელება.
აღსანიშნავია, რომ თანამშრომლობის ფარგლებში, CIU-ს სამართლის ფაკულტეტის საბაკალავრო და სამაგისტრო პროგრამის სტუდენტები მინისტრის აპარატში პრაქტიკის გავლას შეძლებენ.
შეხვედრაზე CIU-ს სამართლის ფაკულტეტის სტუდენტებისთვის, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრმა, ნანა გაბელიამ, მინისტრის პირველმა მოადგილემ, გიორგი გაბედავამ და მინისტრის მრჩეველმა, ეკა ჭითაშვილმა ვრცლად განიხილეს იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის ფუნქცია-მოვალეობები და თანამშრომლობის ფარგლებში არსებული შესაძლებლობები.
შეხვედრას კავკასიის საერთაშორისო უნივერსიტეტის სამართლის ფაკულტეტის დეკანი, გიორგი ხატიძე, დეკანის მოადგილე, თამთა წირქვაძე, ადმინისტრაციის წარმომადგენლები და CIU-ს სამართლის ფაკულტეტის სტუდენტები ესწრებოდნენ.
ადრესატი
თქვენი სახელი
ელ-ფოსტა
თემა
შეტყობინება