ტრენინგი კარიერის დაგეგმვის მიმართულებით
კავკასიის საერთაშორისო უნივერსიტეტში გაიმართა საქართველოს იუსტიციის სამინისტროს სსიპ საჯარო რეესტრის ეროვნული სააგენტოს წარმომადგენლების ტრენინგი კარიერის დაგეგმვის მიმართულებით, რომელსაც ესწრებოდნენ სხვადასხვა ფაკულტეტის სტუდენტები და უნივერსიტეტის ადმინისტრაციული პერსონალი.
ტრენინგს უძღვებოდნენ სააგენტოს ადამიანური რესურსების მართვის დეპარტამენტის უფროსი ლიკა კვირჭიშვილი და HR - ეკატერინე თაბუკაშვილი.
ტრენინგის ფარგლებში მონაწილეებმა განიხილეს CV-ის შედგენის თანამედროვე ტენდენციები, გასაუბრებისთვის მზადებისას გასათვალისწინებელი დეტალები, LinkedIn, როგორც დასაქმებისთვის მნიშვნელოვანი პლატფორმა, ეფექტური კომუნიკაციის მეთოდები და სხვა ისეთი მნიშვნელოვანი საკითხები, რაც დაეხმარება მათ გასაუბრებაზე ემოციების მართვასა და ზოგადად, კარიერის სწორად დაგეგმვაში.
