საზოგადოებრივი მაუწყებლის აჭარის ტელევიზიასა და რადიოსთან CIU მულტიმედია ცენტრის თანამშრომლობა გრძელდება.
პარტნიორობის ახალი ეტაპი მეცნიერების პოპულარიზაციის მიზნით, სასწავლო-შემეცნებითი პროექტების მომზადებასა და სამუშაო პროცესში სტუდენტების მაქსიმალურ ჩართულობას მოიაზრებს.
აღნიშნული მიმართულებით მედიასაშუალების ხედვა და ინტერესები სტუმრებს საზოგადოებრივი მაუწყებლის აჭარის ტელევიზიისა და რადიოს დირექტორმა ვლადიმერ ტატიშვილმა გააცნო.
მედიასაშუალებასთან თანამშრომლობის მნიშვნელობაზე ისაუბრა უნივერსიტეტის კანცლერმა ვახტანგ წივწივაძემ.
სწავლებისას, პრაქტიკული კომპონენტის ეფექტურად განხორცრიელების პროცესში, მაუწყებლის მონაწილეობის უპირატესობაზე გაამახვილა ყურადღება მულტიმედია ცენტრის ხელმძღვანელმა ნინო ჭალაგანიძემ.
დაგეგმილი მედიაპროექტების სპეციფიკის, შინაარსისა და ფორმატის შესახებ ხედვა მულტიმედია ცენტრის ხელმძღვანელის მოადგილემ, სულხან მელაძემ წარადგინა.
ამ ეტაპზე აჭარის ტელევიზიის ეთერში ინტენსიურად გადის CIU მულტიმედია ცენტრის გადაცემა „ავტოგრაფი“. მედიაპროდუქტი საზოგადოებისათვის ცნობილი ადამიანების ცხოვრებისა და შემოქმედების შესახებ მოგვითხრობს.
2018 წელს საეთერო ბადეში განთავსდა ხელნაწერთა ეროვნული ცენტრის 60 წლის იუბილესადმი მიძღვნილი პროექტი - „დღემდე მოტანილი ისტორია“. მულტიმედია ცენტრის ბაზაზე მომზადებული შემეცნებითი ვიდეორგოლები ისტორიული დოკუმენტების, წიგნების, ხელნაწერებისა და საზოგადო მოღვაწეთა მემორიალური ნივთების შესახებ მოუთხრობდნენ მაყურებელს.
შეგახსენებთ, რომ კავკასიის საერთაშორისო უნივერსიტეტი საზოგადოებრივი მაუწყებლის აჭარის ტელევიზიასა და რადიოსთან 2016 წლიდან თანამშრომლობს. მხარეებს შორის გაფორმებული მემორანდუმი სამეცნიერო-კვლევითი საქმიანობის ხელშეწყობასთან ერთად, მულტიმედია ცენტრის ბაზაზე მომზადებული ფილმებისა და სიუჟეტების მედიასაშუალებისათვის მიწოდებას მოიაზრებს.
ადრესატი
თქვენი სახელი
ელ-ფოსტა
თემა
შეტყობინება
