საჯარო ლექცია მედიცინის ფაკულტეტის სტუდენტებისთვის

29 ნოემბერს კავკასიის საერთაშორისო უნივერსიტეტის მედიცინის ფაკულტეტის ორგანიზებით საჯარო ლექცია გაიმართა თემაზე: „ფილტვის კიბოს ადრეული დიაგნოსტიკა, ეფექტური მკურნალობა და პრევენცია“.

ლექციას მედიცინის აკადემიური დოქტორი, პალიატიური მზრუნველობის ექიმი-სპეციალისტი, ონკოლოგი ელენე ჯამბერიძე უძღვებოდა.

სპიკერმა ლექციის ფარგლებში ყურადღება გაამახვილა ფილტვის კიბოს მახასიათებლებზე, მის გამომწვევ რისკ-ფაქტორებზე, დიაგნოსტიკასა და მკურნალობის შესაძლებლობებზე, შეხვედრის მეორე ნაწილში კი აუდიტორიის კითხვებს უპასუხა.

საჯარო ლექცია ფილტვის კიბოს ცნობიერების ამაღლების საერთაშორისო თვესთან (ნოემბერი) დაკავშირებით გაიმართა.