16 მაისს კავკასიის საერთაშორისო უნივერსიტეტის სამართლის ფაკულტეტის ორგანიზებით საჯარო ლექცია გაიმართა თემაზე: „სეკულარიზმის იდეა საქართველოში - თეოლოგიური კონტექსტი“.
შეხვედრას თბილისის სასულიერო აკადემიის კანონიკური სამართლის კათედრის გამგე, დეკანოზი ლონგინოზ სუარიშვილი უძღვებოდა.
„ეკლესია, დღიდან მისი დაფუძნებისა, თავისი ბუნებითა და არსით, თავისი მისიის განხორციელებისა და მმართველობის პრინციპებით, ყოველთვის იყო დამოუკიდებელი სახელმწიფოსგან. ეკლესიას არასდროს ჰქონდა პრეტენზია ამქვეყნიური პოლიტიკური ძალაუფლების მოპოვებისა, ან სახელმწიფოზე დომინანტობისა - ეს ეკლესიის ბუნებისათვის უცხო არის.
სეკულარიზაციის იდეა, ეს არ არის 21-ე საუკუნის, ან მე-20 საუკუნის იდეა - ეკლესია ამ იდეით დაარსდა ამ ქვეყნად და თავისი ბუნებით იყო სეკულარული სახელმწიფოსაგან.
ლექციაზე ვისაუბრეთ იმ პრეცედენტზე, როცა შეიძლება ეკლესიამ გარკვეულწილად სახელმწიფო მმართველობის ფუნქციები იკისროს და აღვნიშნეთ, რომ ეკლესიისთვის ეს ზიანის მომტანი უფროა, ვიდრე სასიკეთო. იმისთვის, რომ ეკლესიასა და სახელმწიფოს შორის ჯანსაღი, დემოკრატიულ იდეებზე დაფუძნებული ურთიერთობა ჩამოყალიბდეს, სახელმწიფოს მხრიდან აუცილებელია საეკლესიო სამართლის აღიარება ოფიციალურად, რა თქმა უნდა, გარკვეული ფორმულირებებით და სახელმწიფოს მხრიდან გარკვეულობა ამ ძირითად საეკლესიო დოქტრინებში, ეს ყველაფერი კი უნდა ემსახურებოდეს ქვეყნისა და საზოგადოების სიკეთეს“, - აღნიშნა დეკანოზმა ლონგინოზ სუარიშვილმა.
საჯარო ლექციას სამართლის ფაკულტეტის ადმინისტრაცია და სხვადასხვა ფაკულტეტის სტუდენტები ესწრებოდნენ.
ადრესატი
თქვენი სახელი
ელ-ფოსტა
თემა
შეტყობინება