23 აპრილს ქალაქ ფოთში აღდგომის სახელობის საკათედრო ტაძრის განახლების (ენკენიობა) ათი წლის იუბილე აღინიშნა. საკათედრო ტაძარში საზეიმო წირვა ფოთისა და ხობის მიტროპოლიტმა მეუფე გრიგოლმა საქართველოს მართლმადიდებელი ეკლესიის წმინდა სინოდის წევრებთან ერთად აღავლინა.
ამავე დღეს ნიკო ნიკოლაძის სახელი მიენიჭა ტაძრის სამრევლო დარბაზს, სადაც ნიკო ნიკოლაძის ცხოვრებისა და ტაძრის ისტორიის ამსახველი ფოტომასალის გამოფენა მოეწყო.
გამოფენა „ნიკო ნიკოლაძის საზოგადოების“, კავკასიის საერთაშორისო უნივერსიტეტისა და საქართველოს ეროვნული არქივის მხარდაჭერით გაიმართა.
ღონისძიებას კავკასიის საერთაშორისო უნივერსიტეტის რექტორის მრჩეველი და „ნიკო ნიკოლაძის საზოგადოების“ თავმჯდომარე გიორგი ფარეშიშვილი მოწვეულ სტუმრებთან ერთად დაესწრო.
ადრესატი
თქვენი სახელი
ელ-ფოსტა
თემა
შეტყობინება
