კავკასიის საერთაშორისო უნივერსიტეტის სამართლის ფაკულტეტის ასოცირებული პროფესორი, საქართველოს ნოტარიუსთა პალატის წარმომადგენელი, იურისტი - ნინო ხარიტონაშვილი სამუშაო ვიზიტის ფარგლებში, კერძო სამართლის უნიფიკაციის საერთაშორისო ინსტიტუტს - „UNIDROIT“-ს ესტუმრა.
აღსანიშნავია, რომ დღეს ქართველი მკითხველისთვის უკვე ხელმისაწვდომია კერძო სამართლის უნიფიკაციის საერთაშორისო ინსტიტუტსის სამოდელო კოდექსის ,,საერთაშორისო სამოქალაქო საპროცესო პრინციპებისა და წესების" ქართული ვერსია, რომლის თარგმანი შესრულდა ნინო ხარიტონაშვილის მიერ ინსტიტუტთან გაფორმებული ექსკლუზიური ლიცენზიის ფარგლებში.
აღნიშნული კოდექსი შეადგენს მსოფლიოს სამოქალაქო საპროცესო სამართლის ნაზავს და მისი გამოყენება ქვეყნის სამართლებრივი კულტურის საზომს წარმოადგენს.
თარგმანის ბეჭდური ვერსია და ნინო ხარიტონაშვილის მონოგრაფიული ნაშრომი ,,შედარებითი სამოქალაქო პროცესი”კერძო სამართლის უნიფიკაციის ინსტიტუტის ბიბლიოთეკაში განთავსდა. სამუშაო შეხვედრაზე ასევე განხილულ იქნა, ევროპული სამოქალაქო პროცედურების თაობაზე გამოცემული უნიფიცირებული ნაშრომის ქართულ ენაზე თარგმნის საკითხი.
აღსანიშნავია, რომ საქართველო ჯერ არ არის გაწევრიანებული კერძო სამართლის უნიფიკაციის საერთაშორისო ინსტიტუტში - UNIDROIT. ქართულ ენაზე სამოდელო კოდექსის არსებობა პირველი წინ გადადგმული ნაბიჯია საერთაშორისო ორგანიზაციაში გაწევრიანებისაკენ.
ადრესატი
თქვენი სახელი
ელ-ფოსტა
თემა
შეტყობინება