29 მაისს, საზოგადოებასთან ურთიერთობის სამსახურის ორგანიზებით, კავკასიის საერთაშორისო უნივერსიტეტს გარდაბნის მუნიციპალიტეტის სოფელ კრწანისის საჯარო სკოლის მოსწავლეები ესტუმრნენ.
საკონფერენციო დარბაზში, მოსწავლეებისთვის კსუ-ს ჟურნალისტიკის საბაკალავრო პროგრამის ხელმძღვანელის, პროფესორ ზაზა ცოტნიაშვილის მასტერკლასი - „წარმატების ალგორითმი“ - გაიმართა.
მომხსენებელი მოსწავლეებს პროფესიული განვითარების თავისებურებებსა და განათლების ეფექტზე ესაუბრა, აგრეთვე გააცნო წარმატების მიღწევის გზები, მეორე ნაწილში კი მათ კითხვებს უპასუხა. ღონისძიების დასასრულს მოსწავლეებს მასტერკლასის გავლის დამადასტურებელი სერტიფიკატები გადაეცათ.
მასტერკლასის დაწყებამდე მათ უნივერსიტეტის საგანმანათლებლო პროგრამების შესახებ მიიღეს ინფორმაცია, მასტერკლასის დასრულების შემდეგ კი კრწანისის საჯარო სკოლის მოსწავლეებმა უნივერსიტეტის მატერიალურ-ტექნიკური ბაზა დაათვალიერეს.
შეგახსენებთ, რომ საქართველოს სხვადასხვა საჯარო და კერძო სკოლის მოსწავლეებისთვის კავკასიის საერთაშორისო უნივერსიტეტში სასკოლო-საგანმანათლებლო პროექტები, სასწავლო-შემეცნებითი ვიზიტები და მასტერკლასები პერმანენტულად იმართება.
ადრესატი
თქვენი სახელი
ელ-ფოსტა
თემა
შეტყობინება
