21-27 მარტს, კვირეულის ფარგლებში, CIU ბიზნესის ფაკულტეტი საქართველოს ეროვნულ ბანკთან, ფინედუსთან, საქართველოს ფინანსური განათლების ასოციაციასა და OECD ფინანსური განათლების საერთაშორისო ქსელთან თანამშრომლობით, არაერთ ღონისძიებაში მიიღებს მონაწილეობას და აქტივობებს საკუთარი ინიციატივით დააინიცირებს.
„გლობალური ფულის კვირეულის“ წლევანდელი, რიგით მე-10 კვირეული 21 მარტს იხსნება. საქართველოს დროით 15:00 საათზე OECD აორგანიზებს საერთაშორისო პანელს, სადაც სხვადასხვა ქვეყნის მაღალი დონის წარმომადგენლებს შორის, დისკუსიაზე ჩართვის მიზნით, მოწვეულია ეროვნული ბანკის პრეზიდენტი. ღონისძიებაზე განხილული იქნება ფინანსური განათლების მნიშვნელობა ახალგაზრდებში, როგორ შეიცვალა გლობალური ფულის კვირეულის გამოწვევები 10 წლის განმავლობაში.
CIU ბიზნესის ფაკულტეტი საქართველოს ფინანსური განათლების ასოციაციასთან ერთად, „გლობალური ფულის კვირეულისთვის“ მიძღვნილი „ბლოგების კონკურსის“ პარტნიორია, რომელსაც საქართველოს ეროვნული ბანკი და ფინედუ აორგანიზებს. კვირეულის ფარგლებში, ბიზნესის ფაკულტეტი ფინანსური განათლების ასოციაციასთან, თიბისი ბანკთან და ემბისისთან ერთად პროექტის „მოიწვიე ფინედუს დესპანი კლასში“ პარტნიორია, რომელსაც ასევე, საქართველოს ეროვნული ბანკი და ფინედუ უწევს ორგანიზებას.
აღსანიშნავია, რომ CIU ბიზნესის ფაკულტეტის პროექტი „ბიზნეს აკადემია 2 - აბიტურიენტებისთვის“ სრულად ეძღვნება გლობალური ფულის კვირეულს. მიმდინარე კვირას, პროექტში მონაწილეობას რამდენიმე ათეული სკოლის მოსწავლე მიიღებს და მათ დამატებით მიეწოდებათ ფინედუს მასალები ფინანსური განათლების შესახებ.
კვირეულის ფარგლებში, კავკასიის საერთაშორისო უნივერსიტეტის ბიზნესის ფაკულტეტის მიერ დაგეგმილია სახვადასხვა აქტივობები, მათ შორის, თემატური მემორანდუმის გაფორმება, საჯარო ლექცია და რადიო „კომერსანტზე“ CIU ბიზნესის ფაკულტეტის დეკანის გადაცემაში „ბიზნეს ინსაიდერი“ კვირეულის აქტივობების სრულად გაშუქება.
ადრესატი
თქვენი სახელი
ელ-ფოსტა
თემა
შეტყობინება