11-18 თებერვალს იორდანიის ჰაშემიტურ სამეფოში კავკასიის საერთაშორისო უნივერსიტეტის დელეგაციის ვიზიტი შედგა, რომლის ფარგლებშიც CIU-ს წარმომადგენლები ორ კერძო და ერთ სახელმწიფო უნივერსიტეტს ესტუმრნენ.
პირველი ვიზიტი Al-Ahliyya Amman University-ში განხორციელდა, რომელიც ერთ-ერთი ყველაზე თანამედროვე კერძო უნივერსიტეტია იორდანიაში და მსოფლიოს საუკეთესო უნივერსიტეტების რეიტინგში მოწინავე ადგილს იკავებს. შეხვედრაზე მხარეეებმა ერთმანეთს საუკეთესო პრაქტიკა გაუზიარეს და განიხილეს სამომავლო ერთობლივი პროექტები, რომელიც ურთიერთთანამშრომლობის მემორანდუმში აისახება.
Al-Ahliyya Amman University
საინტერესო იყო Irbid National University-ში ვიზიტი, რომელიც ქალაქ ირბიდში მდებარეობს. აღნიშნულ უნივერსიტეტთან უკვე არსებული თანამშრომლობა მემორანდუმში აისახა, რომელსაც ხელი შეხვედრის ფარგლებში მოეწერა. მემორანდუმი გულისხმობს სამომავლო თანამშრომლობას ადმინისტრაციის, აკადემიური პერსონალისა და სტუდენტების მობილობისა და ერთობლივი პროექტების განხორციელების მიმართულებით როგორც საერთაშორისო ორგანიზაციების მეშვეობით, ისე ორმხრივი თანამშრომლობით.
Irbid National University - جامعة إربد الأهلية
alwakaai.com
მნიშნელოვანი ვიზიტი განხორციელდა Mutah University-ში, რომელიც ერთ-ერთი ყველაზე დიდი და ტრადიციული სახელმწიფო უნივერსიტეტია იორდანიაში. მრავალფეროვანი საგანმანათლებლო პროგრამები, განსაკუთრებით ჯანდაცვის მიმართულებით, საინტერესო სამომავლო თანამშრომლობის შესაძლებლობებს ქმნის. ასევე, განხილული იქნა შესაძლებლობები მკვლევარების დახმარებაზე - ახლო აღმოსავლეთის თემატიკაზე იორდანული უნივერსიტეტის მხრიდან, ხოლო კავკასიისა და აღმოსავლეთ ევროპის თემატიკაზე - კავკასიის საერთაშორისო უნივერსიტეტის მხრიდან.
მხარეები შეთანმხდნენ ურთიერთთანამშრომლობის შესაძლებლობების დეტალურ განსაზღვრასა და შესაბამისი მემორანდუმის გაფორმებაზე.
دائرة العلاقات الثقافية والعامة -الصفحه الرسميه لجامعة مؤتة
აღსანიშნავია, რომ კავკასიის საერთაშორისო უნივერსიტეტისთვის მნიშვნელოვანია იორდანიის ჰაშემიტურ სამეფოსთან აკადემიური და სამეცნიერო საქმიანობა და ვიმედოვნებთ, რომ დაწყებული ურთიერთობები კიდევ უფრო გაღრმავდება.
აღნიშნულ პროცესში მნიშვნელოვანი როლი აქვს უნივერსიტეტის ექსკლუზიურ პარტნიორს იორდანიაში, ბატონ რიად ალ-აჯარმეს.
ადრესატი
თქვენი სახელი
ელ-ფოსტა
თემა
შეტყობინება
