დიპლომატიისა და საერთაშორისო ურთიერთობების აკადემია

თუ აბიტურიენტი ხარ და საერთაშორისო ურთიერთობები და დიპლომატია შენი ინტერესის სფეროა, მაშინ შემოგვიერთდი პროექტში, რომელიც სპეციალურად აბიტურიენტებისთვის ხორციელდება და მიზნად ისახავს პროფესიის არჩევის პროცესში მხარდაჭერასა და სტუდენტობისთვის მომზადებას.

კურსის მიმდინარეობისას აბიტურიენტებს ჩაუტარდებათ ინტერაქციული ლექცია-სემინარები დარგის წარმატებულ, პრაქტიკოს წარმომადგენლებთან, როგორც საჯარო ისე კერძო სექტორიდან.

აბიტურიენტებისთვის CIU აკადემია არის შესაძლებლობა გაიცნონ მათი მომავალი პროფესია.

ერთკვირიანი პროფესიული თავგადასავალი დაგეხმარებათ შეაფასოთ რამდენად სასურველია კონკრეტული სფერო, რა გამოწვევები და შედეგები ახლავს მას თან.

სპიკერები:

გიორგი ფარეშიშვილი - ნიკო ნიკოლაძის საზოგადოების თავმჯდომარე, CIU-ს რექტორის მრჩეველი

თემა: “სახალხო დიპლომატიის მნიშვნელობა”

თარიღი: 18 მარტი, 19:00 საათი

დავით ბუჯიაშვილი - ევროინტეგრაციის გენერალური დირექტორატის ევროკავშირის დახმარებისა და სექტორული ინტეგრაციის დეპარტამენტის დირექტორი

თემა: „საქართველო-ევროკავშირის თანამშრომლობის ისტორია: დამოუკიდებლობის აღდგენიდან კანდიდატის სტატუსამდე“

თარიღი: 19 მარტი, 19:00 საათი

ერეკლე იანტბელიძე - ევროკავშირის დახმარების კოორდინაციის სამმართველოს ატაშე, ევროკავშირის გენერალური დირექტორატი, საქართველოს საგარეო საქმეთა სამინისტრო

თემა: „პირველი ნაბიჯები დიპლომატიაში“

თარიღი: 20 მარტი, 19:00 საათი

გოჩა ჯავახიშვილი - საქართველოს საგანგებო და სრულუფლებიანი ელჩი საფრანგეთის რესპუბლიკასა და მონაკოში, საქართველოს მუდმივი წარმომადგენელი იუნესკოში, CIU-ს პროფესორი

თემა: „დიპლომატის პროფესია“

თარიღი: 21 მარტი, 18:00 საათი

ეკა ბერაია - ამერიკათმცოდნეობის დოქტორი, CIU-ს ასოცირებული პროფესორი

თემა: „ამერიკათმცოდნეობა“

თარიღი: 23 მარტი, 19:00 საათი

პროექტში მონაწილეობა შეუძლია საქართველოს ნებისმიერ ქალაქსა და რეგიონში მყოფ აბიტურიენტს.

ლექცია-სემინარები ჩატარდება Online, ZOOM-ის პლატფორმაზე.

გარდა თეორიული ნაწილისა, პროექტის „CIU- აკადემია აბიტურიენტებისთვის“ ფარგლებში, გაიმართება პრაქტიკული Workshop -ები, ხოლო პროექტის ბოლოს, ყველა მონაწილე მიიღებს კარიერული განვითარების პერსონალურ კონსულტაციას.

პროექტის შინაარსობრივი ნაწილი მომზადებულია კავკასიის საერთაშორისო უნივერსიტეტის აკადემიური გუნდის მიერ, CIU-ს სოციალურ და ჰუმანიტარულ მეცნიერებათა ფაკულტეტის მხარდაჭერით.

პროექტის განხორციელების ვადა: 18-23 მარტი

რეგისტრაციისთვის ეწვიეთ ბმულს: t.ly/qjjhR

აბიტურიენტებისთვის, პროექტში მონაწილეობას სრულად აფინანსებს კავკასიის საერთაშორისო უნივერსიტეტი!