20 მარტს CIU-ს სოციალურ მეცნიერებათა ფაკულტეტის „დებატების კლუბის“ ორგანიზებით, კარლ პოპერის ფორმატის დებატები გაიმართა რეზოლუციით: „ნატო უნდა ჩაერიოს რუსეთ-უკრაინის ომში“.
დებატებში საერთაშორისო ურთიერთობების საბაკალავრო პროგრამის სტუდენტები მონაწილეობდნენ: მტკიცებითი გუნდი „საზრისი“ - გურამ ლილუაშვილი, თამარ ოყუჯავა, მაკა ბასილიძე / უარმყოფელი გუნდი „ფენიქსი“ - ბესიკ თავართქილაძე, ქრისტინე ქუქჩიშვილი, ნათია აბუაშვილი.
დებატების მსაჯთა კოლეგიის შემადგენლობაში იყვნენ: პოლიტიკის მეცნიერების დოქტორი, CIU-ს საერთაშორისო ურთიერთობებისა და საერთაშორისო უსაფრთხოების სამაგისტრო პროგრამის ხელმძღვანელი, ვახტანგ მაისაია; პოლიტიკის მეცნიერების დოქტორანტი, რექტორის მრჩეველი, გიორგი ფარეშიშვილი და პოლიტიკის მეცნიერების დოქტორანტი, ბექა მანაგაძე.
დებატების ფორმატით გათვალისწინებული შესაბამისი ეტაპების გავლის შემდეგ, თამაშის ჟიურიმ მცირე უპირატესობა უარმყოფელ გუნდს მიანიჭა.
დღის დასასრულს, დებატების პროცესი და მისი მნიშვნელობა CIU-ს სოციალურ მეცნიერებათა ფაკულტეტის დეკანმა, ნანა ამირანაშვილმა და საერთაშორისო ურთიერთობების საბაკალავრო პროგრამის ხელმძღვანელმა, ალიკა გუჩუამ შეაფასეს.
დებატებს მოდერაცია ფაკულტეტის დეკანატის წარმომადგენელმა, მარიკა ჩხენკელმა გაუწია.
გუნდებს შორის დებატების მომდევნო ტური 25 მარტს გაიმართება.
ადრესატი
თქვენი სახელი
ელ-ფოსტა
თემა
შეტყობინება