დასრულდა STARMUS-ის მე-6 საერთაშორისო სამეცნიერო ფესტივალის მონაწილეთა შერჩევა, რომელშიც CIU-ს მედიცინის ფაკულტეტის სტუდენტმა, მარიამ შულაიამ და სამართლის ფაკულტეტის დოქტორანტმა, თამთა წირქვაძემ გაიმარჯვეს.
STARMUS-ი საერთაშორისო პლატფორმაა, რომელიც აერთიანებს მსოფლიოს ცნობილ მეცნიერებს, ნობელის პრემიის ლაურეატებს, ასტრონავტებს, ხელოვანებს, რომლებიც თავიანთ გამოცდილებას, ცოდნასა და უახლეს გამოგონებებს უზიარებენ ახალ თაობებს იმ მიზნით, რომ მათი შთაგონება მეცნიერების სამყაროსკენ მიმართონ.
„STARMUS Festival - 6 Edition“, 5-10 სექტემბერს ქალაქ ერევანში გაიმართება. წლევანდელი ფესტივალის თემაა „50 წელი მარსზე“ (STARMUS VI – 50 Years on Mars) და ის „MARS 3“ მისიის პირველი დაშვების 50 წლის იუბილეს ეძღვნება. ფესტივალი განკუთვნილია ზოგადი აუდიტორიისთვის და არა მხოლოდ დარგის სპეციალისტებისთვის.
უნივერსიტეტის ადმინისტრაცია და რექტორატი ულოცავს გამარჯვებულებს და წარმატებას უსურვებს მათ ფესტივალზე!
ადრესატი
თქვენი სახელი
ელ-ფოსტა
თემა
შეტყობინება