ტრენინგი - ’’პროფესიული პროექტის შედგენა’’

კავკასიის საერთაშორისო უნივერსიტეტის ბიბლიოთეკის ხელმძღვანელი - თამარ ქავთარაძე და თანამშრომელი - სალომე ცეკვავა, ეროვნულ სამეცნიერო ბიბლიოთეკაში ჩატარებულ ინგლისურენოვან ტრენინგს „პროფესიული პროექტის შედგენა" - დაესწრნენ.

აღნიშნული ტრენინგი ეროვნული სამეცნიერო ბიბლიოთეკის ბიზნესისა და ახალი ტექნოლოგიების ცენტრისა და ფრანკოფონიის საუნივერსიტეტო სააგენტოს თანამშრომლობით განხორციელდა. ტრენინგი 8- საკონტაქტო საათი გაგრძელდა და მას პროფესიული სწავლებისა და ხელოვნების ეროვნული კონსერვატორიის (CNAM) პროფესორი - კიმ ვუ გაუძღვა.

კსუ-ს ბიბლიოთეკის თანამშრომლების თქმით, ტრენინგი მიზნად ისახავდა ინდივიდუალური პროფესიული გეგმის შემუშავების ტაქტიკისა და მეთოდოლოგიის შესწავლას და რამდენიმე ძირითადი მიმართულებით წარიმართა:

• - პროფესიული პროექტის ირგვლივ, უკვე არსებული, მეთოდების და კითხვარების პრეზენტაცია;
• - კონკრეტული, სტუდენტის პროფილის შესაფერისი, მეთოდის შერჩევა და გამოყენება;
• - კოლექტიური აზროვნების და პრობლემის კოლექტიურად გადაჭრის წახალისება და პრაქტიკაში დანერგვა;
• - ინოვაციური აზროვნების პროცესში სტუდენტის ჩაბმა.

ტრენინგის  დასასრულს, მონაწილეები სპეციალური სერტიფიკატებით დაჯილდოვდნენ.