პროგრამის მეორე აქტივობა მოიცავს სტუდენტებისა და აკადემიური პერსონალის მობილობას ევროპული და არაევროპული ქვეყნების უმაღლეს საგანმანათლებლო დაწესებულებებში, პროგრამის ფარგლებში სრულად ფინანსდება მობილობა (ერთი ან მეტი სემესტრის გატარება) ბაკალავრების, მაგისტრების, დოქტორანტებისა და ახალგაზრდა მკვლევრებისათვის, ასევე უნივერსიტეტის თანამშრომლებისთვის (ტრენინგი, სწავლება, კვლევა) პროგრამის მონაწილე უნივერსიტეტებში ევროპის მასშტაბით.
Erasmus Mundus Action 2 პროგრამის ფარგლებში სამხრეთ კავკასიის ქვეყნებისათვის 2011 წელს დაფინანსდა ილიას სახელმწიფო უნივერსიტეტის მიერ გიოტინგენის უნივერსიტეტთან (გერმანია) თანამშრომლობით შექმნილი კონსორციუმი.
კონსორციუმში წარმოდგენილია 8 ევროპული უნივერსიტეტი:
· გიოტინგენის გეორგ-აუგუსტუსის უნივერსიტეტი, გერმანია - გრანტის მფლობელი და კოორდინატორი
· ლიუვენის კათოლიკური უნივერსიტეტი, ბელგია
· ვარშავის სიცოცხლის შემსწავლელ მეცნიერებათა უნივერსიტეტი, პოლონეთი
· სანტიაგო დე კომპოსტელას უნივერსიტეტი, ესპანეთი
· ტალინის უნივერსიტეტი, ესტონეთი
· ტუსკიას უნივერსიტეტი, იტალია
· გრაცის უნივერსიტეტი, ავსტრია
· სტოკჰოლმის სამეფო ტექნოლოგიური ინსტიტუტი, შვედეთი
პროექტის მონაწილე ქართული უნივერსიტეტებია:
· ილიას სახელმწიფო უნივერსიტეტი, საქართველო - სამხრეთ კავკასიის რეგიონალური კოორდინატორი
· საქართველოს ტექნიკური უნივერსიტეტი, საქართველო
· შოთა რუსთაველის სახელმწიფო უნივერსიტეტი, საქართველო
· აკაკი წერეთლის სახელმწიფო უნივერსიტეტი, საქართველო
· თბილისის სახელმწიფო სამედიცინო უნივერსიტეტი, საქართველო
პროექტის ფარგლებში მობილობის განხორციელების შესაძლებლობა ეძლევათ სხვა ქართული უნივერსიტეტების სტუდენტებსა და მკვლევრებსაც (სამიზნე ჯგუფები 2 და 3).
2012-2013 სასწავლო წლისათვის განაცხადების მიღება დაიწყო 2011 წლის 15 დეკემბერს და გაგრძელდება 2012 წლის 15 მარტამდე.
პროგრამის შესახებ დეტალური ინფორმაციისათვის გთხოვთ იხილოთ პროექტის ვებ-გვერდი: www.alrakis.eu და თანდართული ბროშურები.
ილიას სახელმწიფო უნივერსიტეტის
განვითარებისა და საგარეო ურთიერთობების სამსახური
Ilia State University
ALRAKIS Team
www.alrakis.eu
Office of Development and Foreign Relations
5, Cholokashvili Ave. Office F 315
0162 Tbilisi, Georgia
Tel: (995) 32 2230714
www.iliauni.edu.ge
ადრესატი
თქვენი სახელი
ელ-ფოსტა
თემა
შეტყობინება
