კავკასიის საერთაშორისო უნივერსიტეტის სამართლის ფაკულტეტის სტუდენტი გიორგი ხუჭუა სამბოში საქართველოს ჩემპიონი გახდა.
ჭაბუკებსა და ახალგაზრდებში გამართულ ეროვნულ ჩემპიონატს 9-11 აპრილს თბილისის ძიუდოს აკადემიამ უმასპინძლა. გიორგი ხუჭუამ ახალგაზრდებს შორის, 98+ კგ. წონით კატეგორიაში მიიღო მონაწილეობა, ოლიმპიური სისტემით გამართული ტურნირის საჩემპიონო გზაზე კი, ოთხი მეტოქე დაამარცხა.
აღნიშნული გამარჯვებით, გიორგი ხუჭუა სამბოში ევროპის ახალგაზრდულ ჩემპიონატზე იასპარეზებს, რომელიც მაისში სერბეთში გაიმართება, იქ წარმატების შემთხვევაში კი, მსოფლიო ჩემპიონატის საგზურს მოიპოვებს.
აღსანიშნავია, რომ გიორგი ხუჭუა საქართველოს ახალგაზრდული ნაკრების პირველი ნომერია.
კავკასიის საერთაშორისო უნივერსიტეტი ულოცავს გიორგის საქართველოს ჩემპიონის ტიტულს და წარმატებას უსურვებს ევროპულ თუ მსოფლიო ასპარეზზე!
ადრესატი
თქვენი სახელი
ელ-ფოსტა
თემა
შეტყობინება