კავკასიის საერთაშორისო უნივერსიტეტის (CIU) ბიზნესის ფაკულტეტი სტუდენტებს იწვევს ექსპერიმენტულ მედია პროექტში მონაწილეობის მისაღებად
პროექტი ხორციელდება CIU-ს და ბუღალტრული რეფორმის ბენეფიციართა ფონდს შორის დადებული ურთიერთანამშრომლობის მემორანდუმის ფარგლებში და მისი მიზანია ეკონომიკური და ბიზნეს ჟურნალისტიკის სფეროში შესაბამისი უნარ-ჩვევების მქონე სტუდენტების გამოვლენა და მათი პრაქტიკაში რეალიზაციისთვის ხელშეწყობა.
პროექტი გულისხმობს საცდელი მედია პროდუქტების (სტატია, სიუჟეტი, ანალიტიკური მასალა, გადაცემის ფორმატი და ა,შ.) შექმნას, რომელიც ფონდის მიერ პირველადი შერჩევის შემდეგ გადაეცემა ფონდის ექსკლუზიურ პარტნიორს, ბიზნესისა და ეკონომიკის მედია სფეროში წამყვან კომპანია „ბიემჯი“-ს, რომლის მიერ სტუდენტების შექმნილი საცდელი ნამუშევრების შეფასება მოხდება შესრულების ხარისხის, ინოვაციურობის, ორიგინალურობის, პრაქტიკული გამოყენების პოტენციალის მიხედვით.
შერჩევის შედეგად გამოვლენილი სტუდენტები მიიღებენ ერთჯერად ფულად ანაზღაურებას ან დასაქმდებიან „ბიემჯი“-ში მათი უნარების შესატყვის პოზიციაზე (6 თვემდე საცდელი ვადით).
დაინტერესების შემთხვევაში მიმართეთ ბიზნეს ინკუბატორს
ელ-ფოსტა kldiashvili.marika@ciu.edu.ge
დამატებით ინფორმაციისთვის: https://bit.ly/3M5MFCZ
ადრესატი
თქვენი სახელი
ელ-ფოსტა
თემა
შეტყობინება