CIU აცხადებს მიღებას სასკოლო-საგანმანათლებლო პროექტში - კამათის ხელოვნება

კავკასიის საერთაშორისო უნივერსიტეტი აცხადებს X, XI და XII კლასის მოსწავლეთა მიღებას სასკოლო-საგანმანათლებლო პროექტში - „კამათის ხელოვნება“ (ისწავლე თამაშით), V სეზონი.

„ვკამათობთ არა კამათისთვის, არამედ ვკამათობთ შედეგისთვის“.

პროექტის მიზნები: ახალგაზრდებში არგუმენტირებული კამათის კულტურის, კრიტიკული აზროვნების, სასაუბრო დროის რაციონალურად სარგებლობის, საჭირო მასალებისა თუ ინფორმაციის მოძიების უნარების განვითარება. ასევე, მათი სწორად გამოყენება, კომპრომისის ნახვა და შეთანხმება.

პროექტის ფორმატი:

ვკამათობთ, ვპოულობთ კომპრომისს, ვთანხმდებით;

• პროექტი შედგება ორი ეტაპისგან: ტრენინგი და სიმულაციური მოლაპარაკება;
• პროექტის მონაწილეები რეგისტრირდებიან გუნდურად - თითოეული გუნდი შედგება 2 წევრისგან;
• რეგისტრირებული გუნდები თამაშამდე გადიან შემდეგ ტრენინგებს - „კამათის კულტურა“; „შეთანხმების დოკუმენტი“;
• პროექტი ტარდება შაბათ-კვირის დღეებში - ტრენინგი გაიმართება ონლაინ ფორმატით, ხოლო სიმულაციური მოლაპარაკება - კავკასიის საერთაშორისო უნივერსიტეტში, დასწრებული ფორმატით;
• სიმულაციურ მოლაპარაკებაზე დისკუსიის დრო შეადგენს 1:20 საათს (40 წთ. - კამათისთვის, 40 წთ. - შეთანხმებისთვის / კომუნიკეს მიღება);
• გუნდებს ლიტერატურით უზრუნველყოფს მენტორი.

პროექტის ტრენინგების თემატიკა:

ტრენინგი #1 - „კამათის კულტურა“

• კამათი, როგორც გადაწყვეტილების მიღების მნიშვნელოვანი კომპონენტი (კამათი საკუთარ თავთან და ოპონენტებთან);
• უსაფრთხო / სწორი გადაწყვეტილების მიღებისათვის აუცილებელი ინფორმაციული ნაკადების მნიშვნელოვანი მახასიათებლები;
• დეზინფორმაციის ზეგავლენა კამათზე;.
• კამათის პროცესში კონფლიქტის საგანი და კონფლიქტის ობიექტი, კონფლიქტის სტრუქტურა;
• კონფლიქტში გადაზრდილი კამათის ტიპოლოგია;
• კამათის ეთიკა;

ტრენინგი #2 - „შეთანხმების დოკუმენტი“

• შეთანხმების დოკუმენტზე მომუშავე ჯგუფის მნიშვნელოვანი მახასიათებლები;
• შეთანხმების დოკუმენტის სტრუქტურა;
• პოზიციის ჩამოყალიბების უსაფრთხოებისათვის მნიშვნელოვანი ტერმინები;
• სახელმწიფოში უცხო ქვეყნების მოქალაქეთა მასობრივად ჩამოსახლების არსი;
• სახელმწიფოში სწორი საკადრო უზრუნველყოფის მნიშვნელოვანი სტრუქტურა;
• რელიგიური საკულტო ნაგებობისა და ტერიტორიის დათმობის პოლიტიკური შედეგები;
• ენერგეტიკული დამოუკიდებლობის ზეგავლენა სახელმწიფოს პოლიტიკურ უსაფრთხოებაზე.

საკამათო თემები:

თემა I: ყივჩაღების ჩამოსახლების ირგვლივ დავით აღმაშენებლის მიერ მიღებული პოლიტიკური გადაწყვეტილების მართებულობა თუ მცდარობა;

თემა II: მხოლოდ მოსამართლეების თუ ყველა სახელმწიფო მოხელის კეთილსინდისიერების შემოწმება უზრუნველყოფს ძლიერი სახელმწიფოს ფორმირებას;

თემა III: დავით გარეჯის პრობლემა და მისი მოგვარების ტენდენციები: საქართველოს და აზერბაიჯანის მხარეები;

თემა IV: საკუთარი ჰესების მშენებლობა თუ დამოკიდებულება უცხო ქვეყნების ელექტრო რესურსებზე.

შეფასების კრიტერიუმები:

• ლოგიკური მსჯელობა;
• ფაქტების ცოდნაზე დამყარებული არგუმენტირებული მსჯელობა;
• საკუთარი პოზიციის დაფიქსირება;
• მოლაპარაკების ტექნიკა და გუნდისთვის მომგებიანი შეთანხმების (კომუნიკე) გაფორმების უნარი.

პროექტის ხანგრძლივობა - 1 თვე (აპრილი)

მნიშვნელოვანი თარიღები:

• 8-10 აპრილი - რეგისტრაცია;
• 13-14 აპრილი - ტრენინგი;
• 27 აპრილი - სიმულაციური მოლაპარაკება / პროექტის დახურვა.

მონაწილე სკოლათა რაოდენობა შეზღუდულია. პროექტში მონაწილეობის შესაძლებლობა ექნება დასწრების პრინციპით დარეგისტრირებულ 30 სკოლას. რეგისტრირებული სკოლა წარმოადგენს ორ მოსწავლესა და ერთ მასწავლებელს.

პროექტის დასრულების შემდეგ თითოეულ მონაწილეს გადაეცემა სერტიფიკატი.

უძღვება ისტორიის დოქტორი, პროფესიული უსაფრთხოების დოქტორი, კავკასიის საერთაშორისო უნივერსიტეტის ასოცირებული პროფესორი - დავით კუხალაშვილი.

პროექტის ორგანიზატორია კავკასიის საერთაშორისო უნივერსიტეტის საზოგადოებასთან ურთიერთობის სამსახური; პროექტის თანაორგანიზატორია CIU-ს სოციალურ და ჰუმანიტარულ მეცნიერებათა ფაკულტეტი.

პროექტზე რეგისტრაციისთვის ეწვიეთ ბმულს: https://shorturl.at/qtSZ9

პროექტის ავტორი და ხელმძღვანელი - მარინე უგულავა

ტელ: 577 211444

პროექტის კოორდინატორი - ლიკა შენგელია

ტელ: 577 588587