26 აპრილს კავკასიის საერთაშორისო უნივერსიტეტში თბილისის გლდანი-ნაძალადევის რაიონული პროკურატურის წარმომადგენელთა საჯარო შეხვედრა გაიმართა სტუდენტებთან თემაზე: „ორგანიზებული დანაშაული, არსებული კანონმდებლობა, მიღწევები და გამოწვევები“.
საჯარო ლექციის ძირითადი მომხსენებლები იყვნენ გლდანი-ნაძალადევის რაიონული პროკურატურის პროკურორი მარიამ ბეგიაშვილი და ამავე რაიონული პროკურატურის პროკურორი მარიკა ტყაბლაძე.
სპიკერებმა მიმოიხილეს საქართველოს კანონი ორგანიზებული დანაშაულისა და რეკეტის შესახებ. განიხილეს ქურდული სამყაროს შექმნისა და შემდგომი განვითარების ისტორია, არსებული სტატისტიკური მონაცემები და საზოგადოების დამოკიდებულება საკითხის მიმართ.
ლექციის ფარგლებში სპიკერებმა აუდიტორიისთვის საკითხის ირგვლივ სადისკუსიო საკითხები შემოიტანეს, ასევე უპასუხეს სტუდენტების კითხვებსაც.
საჯარო შეხვედრა კავკასიის საერთაშორისო უნივერსიტეტის სამართლის ფაკულტეტის დეკანმა, გიორგი ხატიძემ გახსნა. აუდიტორიას ასევე მიესალმა გლდანი-ნაძალადევის რაიონული პროკურორის მოადგილე, დავით ხვედელიძე.
ლექციას სამართლის ფაკულტეტის სტუდენტები და ადმინისტრაცია ესწრებოდა.
ადრესატი
თქვენი სახელი
ელ-ფოსტა
თემა
შეტყობინება
