ინტელექტუალური თამაში _ ვიქტორინა-კონკურსი

ინტელექტუალური თამაში _ ვიქტორინა-კონკურსი 

დებულება

თემატიკა: ,,ქალები, რომლებმაც შეცვალეს მსოფლიო“ (მარგარეტ ტეტჩერი, ელისაბედ მეორე, ინდირა განდი).

თამაში იმართება თბილისის, მცხეთის, რუსთავის, გარდაბნის კერძო და საჯარო სკოლებისთვის.

 კონკურსში მონაწილეობის მიღების მსურველ მოსწავლეთა ჯგუფის (3  ძირითადი და 1 სათადარიგო მოთამაშე) სკოლის დირექციამ უნდა წარმოადგინოს განაცხადი. გუნდს აუცილებლად უნდა ჰყავდეს კაპიტანი.

რეგისტრაციის ვადა

 2017 წლის 18-25 დეკემბერი. 

განაცხადი

განაცხადში უნდა მიეთითოს ინფორმაცია კაპიტნისა და მოთამაშეების შესახებ (სახელი, გვარი, ქალაქი/სოფელი, სკოლა, კლასი, ტელეფონის ნომერი, ელ.ფოსტა); ასევე სკოლის დირექტორისა და ხელმძღვანელი პედაგოგის საკონტაქტო ინფორმაცია(მობილური ტელ, ელ.ფოსტა) .

 განაცხადი უნდა გადმოაგზავნოთ შემდეგ ელექტრონულ მისამართზე: greatwomen@ciu.edu.ge

  ვიქტორინა-კონკურსი

თამაშის წესები:

• თამაშის პირველ ნაწილში გუნდისთვის დასასმელი კითხვების რაოდენობაა 10, ხოლო მეორე ნაწილში, კაპიტნების ან კაპიტნის მიერ შერჩეული ერთი მოთამაშისთვის _ 5;
• თითოეულ კითხვაზე სწორი პასუხის მოსაფიქრებლად გუნდს ეძლევა 1 წუთი;
• დროის ამოწურვისთანავე გუნდის კაპიტანი აფიქსირებს პასუხს;
• დაგვიანებული პასუხი არ ჩაითვლება;
• თამაშის ძირითადი ნაწილის თანაბარი ანგარიშით დასრულების შემთხვევაში, დაისმება დამატებითი შეკითხვები პირველ სწორ პასუხამდე;
• პასუხების გასაჩივრება შეუძლია მხოლოდ გუნდის კაპიტანს; 
• სადავო საკითხების შესახებ გადაწყვეტილებას იღებს ჟიური; 
• დაუშვებელია დამხმარე მასალის გამოყენება;
• თამაშის მიმდინარეობისას შესაძლებელია ერთი მოთამაშის ჩანაცვლება სათადარიგო მოთამაშით კითხვის დასმამდე;
• ხელმეორედ ცვლილების განხორციელება დაუშვებელია;
•  ჟიურის გადაწყვეტილება საბოლოოა.

 თამაში ჩატარდება კავკასიის საერთაშორისო უნივერსიტეტში.

 მისამართი: თბილისი, სანზონა, ჩარგლის ქუჩა 173.       

დამატებითი ინფორმაციისთვის დაუკავშირდით პროექტის ავტორსა და ხელმძღვანელს მარინა უგულავას შემდეგ ნომერზე: 577211444