ჟიურის სიმპათია, წლის აღმოჩენა, საუკეთესო გულშემატკივარი - ეს ის სამი ნომინაციაა, რომელიც კავკასიის საერთაშორისო უნივერსიტეტმა „სტუდენეტური დღეები 2016-ის“ ფარგლებში მოიპოვა.
„სტუდენტური დღეების“ დახურვის ცერემონიალი ფილარმონიის დიდ საკონცერტო დარბაზში გაიმართა.
შემაჯამებელ შეხვედრაზე, მაყურებლის წინაშე, გამარჯვებული ნომრით, უნივერსიტეტის მუსიკალური ბენდი წარდგა.
„სტუდენტური დღეები 2016-ის“ ფარგლებში, სულ, 21 კულტურულ-შემოქმედებითი, ინტელექტუალური და სპორტული აქტივობა განხორციელდა.
კავკასიის საერთაშორისო უნივერსიტეტმა მონაწილეობა 17 სახეობაში მიიღო.
უნივერსიტეტის მუსიკალურმა ბენდმა ტიტულის - „ჟიურის სიმპათიის“ მოპოვება 4 ივნისს ქალაქ ბათუმში გამართულ კონკურსზე შეძლო.
8 ივნისს ჩატარებული მეორე ტურის შედეგად, უნივერსიტეტის მხიარულთა და საზრიანთა გუნდი „სტუდენეტური დღეები 2016-ის“ აღმოჩენა გახდა.
რაც შეეხება საუკეთესო გულშემატკივარს, აღნიშნულ ნომინაციაში გამარჯვებული 17 ივნისს, დახურვის ცერემონიალზე გამოვლინდა და ის კავკასიის საერთაშორისო უნივერსიტეტი გახდა.
საბოლოო შედეგებით "სტუდენტური დღეები 2016-ის" გამარჯვებული ორი უმაღლესი სასწავლებელი - ივანე ჯავახიშვილის სახელობის თბილისის სახელმწიფო უნივერსიტეტი და საქართველოს ტექნიკური უნივერსიტეტი გახდა.
ადრესატი
თქვენი სახელი
ელ-ფოსტა
თემა
შეტყობინება
